Фонды Віцебскага абласнога краязнаўчага музея папоўніліся больш чым 80 прадметамі, якія маюць культурную і гістарычную каштоўнасць. Усе яны былі канфіскаваныя мытнікамі па пункце пропуску «Грыгораўшчына», што на мяжы з Латвіяй, паведамляе Дзяржаўны мытны камітэт.
Гістарычна каштоўныя рэчы спрабаваў незаконна ўвезці ў Беларусь грамадзянін Украіны, які ехаў са Швецыі. Пры даглядзе яго машыны супрацоўнікі мытні знайшлі цэлы набор разнастайных рэчаў: сталовыя прыборы, дэкаратыўныя фарфоравыя статуэткі, паштовыя маркі, медалі, значкі, манеты і іншыя прадметы.
Усё гэта было канфіскавана і перададзена на экспертызу ў Мытную лабараторыю. Спецыялісты ўстанавілі, што 80 з іх адпавядаюць крытэрыям культурнай каштоўнасці — галоўным чынам таму, што вырабленыя больш за 100 гадоў таму.
Сярод перададзеных у музей экспанатаў асаблівую цікавасць уяўляюць:
- манеты ЗША, Фінляндыі і Новай Зеландыі 1918—1921 гадоў;
- шведскія медалі сярэдзіны ХХ стагоддзя;
- жэтон Швецыі 1915 года;
- нагрудныя знакі (Швецыя, 1934—1959 гады);
- сталовыя прыборы і фарфоравыя статуэткі ХХ стагоддзя.
Цяпер гэтыя прадметы будуць захоўвацца і экспанавацца ў Віцебскім абласным краязнаўчым музеі як частка гісторыка-культурнай спадчыны.
Францужанка спрабавала ўвезці ў Беларусь амаль 600 грамаў золата без дэкларацыі
Беларус спрабаваў увезці з Польшчы дзясяткі тысяч манет
Беларусцы не ўдалося завезці з Польшчы 296 срэбных манет
У беларуса на мяжы знайшлі 10 залатых манет
Кіроўца рэйсавага аўтобуса хацеў увезці праз мяжу 450 срэбных манет
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары