У Даніі раскрылі амерыканскую «аперацыю ўплыву», накіраваную на далучэнне Грэнландыі да ЗША. Міністр замежных спраў Даніі Ларс Лёке Расмусэн выклікаў найвышэйшага амерыканскага дыпламата ў краіне (цяпер гэта часовы павераны ў справах ЗША) і выказаў пратэст з гэтай нагоды.
Пасля прыходу Дональда Трампа да ўлады ў ЗША ён заявіў, што Грэнландыя, якая з’яўляецца паўаўтаномнай тэрыторыяй Даніі, павінна стаць часткай ЗША. Яго адміністрацыя тайна пачала завязваць кантакты з людзьмі, якія маглі б дапамагчы ў гэтым.
Дацкія спецслужбы выявілі сетку з як мінімум трох амерыканцаў, якія займаліся «аперацыямі ўплыву» ў Грэнландыі, паведамляе дзяржаўная тэлерадыёкампанія DR. Раней гэтыя людзі былі блізкія да Трампа, але пакуль невядома, дзейнічалі яны па інструкцыях Белага дома ці самастойна.
Адзін з іх наведаў Грэнландыю, каб скласці спіс магчымых саюзнікаў і праціўнікаў плана далучэння вострава да ЗША, а таксама прасіў мясцовых жыхароў «падаваць інфармацыю, якая магла б выставіць Данію ў дрэнным святле ў амерыканскіх СМІ».
Двое іншых працавалі над завязваннем кантактаў з палітыкамі, бізнэсменамі і грамадскімі дзеячамі для рэалізацыі планаў Трампа. Міністр замежных спраў Даніі пацвердзіў, што «замежныя асобы» спрабуюць уплываць на будучыню Грэнландыі, і назваў падобныя спробы «непрымальнымі».
Служба бяспекі і разведкі Даніі адзначае, што Грэнландыя ў цяперашняй сітуацыі стала аб’ектам розных «кампаній уплыву», накіраваных на разлад у адносінах паміж Даніяй і Грэнландыяй.
Раней, у маі, Данія ўжо выклікала амерыканскага дыпламата пасля паведамлення The Wall Street Journal, што амерыканскія спецслужбы атрымалі заданне шукаць людзей у Грэнландыі, якія маглі б садзейнічаць перадачы вострава пад кантроль ЗША.
Як Трамп выкарыстоўвае «тэорыю вар'ята», каб мяняць свет пад сябе. І ў яго атрымліваецца
Візіт Вэнса ў Грэнландыю: віцэ-прэзідэнт ЗША распавёў пра пагрозы з боку Расіі і паабяцаў не ўжываць сілу
Вэнс заявіў, што Трампа «не хвалюе лямант еўрапейцаў» адносна Грэнландыі
Трамп: ЗША атрымаюць Грэнландыю «так ці інакш»
Чаму Трамп загаварыў пра Грэнландыю?
Прэм'ер Грэнландыі: Мы не хочам быць амерыканскімі або дацкімі, але хочам быць незалежнымі
Цяпер чытаюць
Латушка: У Пяткевіч трэсліся рукі, галава, яна тупала, крычала: «Вы насаджаеце нацыяналізм»23
Каментары