Каб ЗША ўвялі санкцыі супраць Расіі, Еўропа павінна перастаць купляць расійскія нафту і газ
У размове з выданнем Financial Times міністр энергетыкі ЗША Крыс Райт паведаміў, што Еўропа павінна перастаць купляць нафту і газ у Расіі, калі хоча, каб Вашынгтон зрабіў больш строгімі санкцыі супраць яе.
«Калі еўрапейцы правядуць рысу і скажуць: «Мы не збіраемся купляць больш расійскага газу, мы не збіраемся купляць расійскую нафту». Ці акажа гэта станоўчы ўплыў на тое, што ЗША будуць агрэсіўней [уводзіць санкцыі]? Дакладна», — заявіў Крыс Райт.
На яго думку, краіны Еўропы павінны замест расійскага купляць амерыканскі звадкаваны прыродны газ, а таксама бензін і іншыя віды паліва.
«Расія фінансуе сваю вайсковую машыну за кошт экспарту нафты і прыроднага газу, а калі не будзе еўрапейскіх закупак, то гэта скароціць яе [Расіі] даходы», — дадаў амерыканскі міністр.
Нягледзячы на захаванне абмежаванняў на імпарт вугалю і нафты, расійскі газ працягвае паступаць у краіны Еўрапейскага Саюза. Прычым, як сведчаць свежыя звесткі Еўрастата ў жніўні, аб'ёмы куплянага расійскага газу напярэдадні ўвядзення поўнай забароны на расійскія энергарэсурсы толькі растуць.
Так, паводле звестак Еўрастата, у першай палове 2025 года Еўрапейскі Саюз імпартаваў расійскага звадкаванага прыроднага газу (ЗПГ) на суму 4,48 мільярда еўра, гэта значыць на 29% больш, чым за аналагічны перыяд мінулага года.
Дзве краіны Еўрасаюза, Венгрыя і Славакія, працягваюць спажываць нават расійскія энергарэсурсы, якія пастаўляюцца праз трубаправоды, і вельмі негатыўна рэагуюць на тое, што Украіна імкнецца спыніць іх транзіт праз сваю тэрыторыю, а таксама падарваць адпаведную інфраструктуру ўнутры Расіі. Пры гэтым, па іроніі лёсу, кіраўнікі гэтых краін Віктар Орбан і Роберт Фіца імкнуцца пазіцыянаваць сябе як палітычных саюзнікаў прэзідэнта ЗША Дональда Трампа.
Венгрыя забараніла ўезд камандзіру ўкраінскага падраздзялення, адказнага за атакі на «Дружбу». Гэты вайсковец — этнічны венгр
«Я вельмі злы з-за гэтага. Перадай Славакіі». Трамп адказаў Орбану на ягоную скаргу на ўкраінцаў
Еўрасаюз забараняе тэрміналам ЗПГ у Еўропе прымаць газ з Расіі
Прэзідэнтка Еўракамісіі абвясціла аб завяршэнні эры расійскіх нафты і газу ў Еўропе
Што будзе з Беларуссю, калі ЕС увядзе поўнае гандлёвае эмбарга супраць Расіі
Еўрасаюз да канца 2027 года збіраецца цалкам адмовіцца ад закупак расійскага газу
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно18
Каментары