Грамадства88

«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы

Ужо некалькі дзён няма дакладнай інфармацыі пра тое, дзе знаходзіцца палітык Мікалай Статкевіч. 11 верасня ён быў у ліку 52 зняволеных, якіх Аляксандр Лукашэнка выпусціў з турмаў, але адмовіўся пакідаць Беларусь. Экс-рэдактарка «Новага часу» Аксана Колб расказала Deutsche Welle, пра што некалькі хвілін размаўляла са Статкевічам, калі той знаходзіўся на памежным пераходзе.

У той дзень журналістка Аксана Колб здолела датэлефанавацца да Мікалая Статкевіча, калі ён знаходзіўся на беларуска-літоўскай мяжы, каб угаварыць яго з’ехаць у Літву дзеля жонкі, Марыны Адамовіч. 

«Я спрабавала яго ўгаварыць. За некаторыя рэчы мне цяпер сорамна, бо, я думаю, я рабіла яму балюча, калі спрабавала націснуць на тое, што адчувае Марынa», — распавядае Аксана Колб.

«Ён гэта ведаў, я разумею, як яму было балюча слухаць, ён разумеў. Мы размаўлялі каля дзевяці хвілін».

Па словах Аксаны Колб, палітык расказаў, што ў зняволенні ён перанёс інфаркт, але яго голас гучаў як звычайна.

«Я не пачула ніякіх зменаў, я бачыла на камеры, як ён схуднеў, як згорбіўся. Па голасе зусім нічога. Ён такі ж рашучы, казаў, што «калі я зараз паддамся, калі прыму іх умовы, то ўсё маё жыццё пойдзе пад адхон».

«Сапраўды, ён усё жыццё змагаўся з рэжымам, ён хацеў лепшага для краіны, і для яго сапраўды, сысці з апошняй прыступкі, калі заставалася крыху, для яго непрымальна», — кажа журналістка.

Аксана Колб кажа, што Статкевіч разумеў, што калі ён вернецца ў Беларусь, ён зноў апынецца ў турме.

«І ў канцы ён сказаў: «Хопіць мяне шантажаваць, у мяне мала часу, я хачу падыхаць гэтым паветрам, палюбавацца гэтымі дрэвамі».

Каментары8

  • Беларус
    17.09.2025
    Тэрарыст лукашэнка ня можа нікога "памілаваць", бо гэтыя людзі нічога ня здзейсьнілі, каб іх мілаваць. Мілуюць сапраўдных злачынцаў і толькі легітымная ўлада. Гэтыя ж людзі - закладнікі. Таму дыктатар можа іх толькі выпусьціць з катавальняў ды гвалтоўна выціснуць з тэрыторыі Краіны.
  • Няма тут гераізму
    17.09.2025
    А што ён карыснага зробіць у турме? Як абыграе ражым? Там ўвогуле павінны былі псіхолагі працаваць на мяжы.
  • А зачем? В чем рацио?
    17.09.2025
    В чем смысл его демарша? Политический.

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць