«Калаўра мы не пакрыўдзілі»: стала вядома пра новае месца працы былога старшыні Нацбанка
Як стала вядома «Нашай Ніве», былы шматгадовы кіраўнік Нацбанка Павел Калаўр атрымаў пасаду, пра якую марылі б многія былыя міністры.
Павел Калаўр дзесяць гадоў — з канца 2014 года па вясну 2025‑га — узначальваў Нацбанк Беларусі. Пад яго кіраўніцтвам быў стабілізаваны рубель. Але, як раней паведамляла «Наша Ніва», Калаўр спатыкнуўся на тым, што заплюшчваў вочы на свайго роду фінансавы арбітраж, якім захапіліся беларускія банкі (у тым ліку тыя, у якіх менеджарамі працуюць дзеці Калаўра) на фоне дыспарытэту рублёвых ставак з Расіяй. Гэта дазваляла банкам крута зарабляць у моманце, але падымала цану на грошы ў цэлым па эканоміцы.
Чытайце падрабязна: Стала вядома, на чым пагарэў геній фінансаў Павел Калаўр
З моманту адстаўкі ў сакавіку 2025 не было вядома, чым цяпер займаецца заслужаны беларускі фінансіст.
У верасні 2025 года Лукашэнка раптам успомніў пра Калаўра публічна, заявіўшы, што «яго не пакрыўдзілі». «Куды ён вызначыцца, туды няхай ідзе і працуе. Але ён хацеў бы працаваць у банкаўскім сектары. Калі ласка. Я не супраць. Я хачу, каб гэта разумелі. Таму ніхто Паўла Калаўра, як у народзе кажуць, з працы не здымаў», — сказаў Лукашэнка на нарадзе з апаратам Нацбанка і кіраўніцтвам банкаў.
Як стала вядома «Нашай Ніве», у выніку Павел Калаўр аказаўся фінансавым дарадцам (іншая трактоўка — фінансавым дырэктарам) у Мікалая Вараб'я — як лічыцца, самага багатага і ўплывовага беларускага камерсанта эпохі позняга Лукашэнкі.
З іменем Вераб'я звязваецца дыскантаваная купля Прыёрбанка праз намінальную кампанію ў Аб'яднаных Арабскіх Эміратах.
Мы падрабязна апісвалі гэтую гісторыю, у выніку якой «бізнэсмен удачы», меркавана, стаў уласнікам актыву ў чатыры разы даражэйшага, чым за яго было сплачана.
Чытайце падрабязна: Купіць мільярд за €230 мільёнаў. Продаж Прыёрбанка азалаціў бізнэсменаў удачы пры Лукашэнку
Заснавальнік і шматгадовы кіраўнік Прыёрбанка Сяргей Касцючэнка пасля адседкі эміграваў.
Прозвішча ж іншага топ-менеджара, Вадзіма Мацюшкіна, які з 2005 года быў намеснікам старшыні праўлення Прыёрбанка, а апошнія гады і старшынёй, знікла са старонкі, на якой пералічана кіраўніцтва банка.
Цяпер жа старшыня праўлення Прыёрбанка — нехта «Альдасары Махамед Абдула Махамед Алі», у раздзеле сціслай біяграфіі якога няма ніякіх даных пра вопыт работы на адпаведных пасадах.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары
Мне заўжды было весела, як з кожнага Румаса робяць амаль месіянскую хфігуру... Лісан аль-Гаіб, пакатаўся на трэндзе.