Беларускі пісьменнік і адвакат Максім Знак сёлета стаў лаўрэатам прэстыжнай узнагароды «За парушэнне спакою», якую штогод уручае адважнаму пісьменніку ў небяспецы Чэшскі цэнтр Вацлава Гавела ў Нью-Ёрку.
Гэтай узнагародай адзначаюцца пісьменнікі і творцы, якія праяўляюць мужнасць у абароне праўды і свабоды. Раней, у 2021 годзе, яе атрымаў беларускі паэт Дзмітрый Строцаў.
На цырымоніі, у якой бралі ўдзел каля 300 прадстаўнікоў культуры, дыпламатыі і бізнэсу, паказалі фотаздымкі пастановак паводле твораў Максіма Знака, былі зачытаныя ўрыўкі з ягоных апавяданняў.
Святлана Ціханоўская, якая прысутнічала на гэтай цырымоніі, падкрэсліла, што лёс Максіма Знака шмат у чым нагадвае шлях Вацлава Гавела, які таксама сядзеў за кратамі за смеласць «жыць у праўдзе».
«Ушаноўваючы сёння Максіма, мы ўшаноўваем кожнага беларуса, які адмовіўся здацца. Кожнага пісьменніка, кожнага юрыста, кожнага журналіста, які абраў праўду замест камфорту. Мы ўшаноўваем усіх, хто працягвае парушаць ілжывую «цішыню» тыраніі», — сказала яна.
Пяць гадоў таму затрымалі Максіма Знака
Палітвязню Максіму Знаку споўнілася 44 гады, два з паловай з іх ён у рэжыме інкамунікада
«Прапаноўваў два блокі Winston, каб перадалі Знаку ліст». Былы палітвязень Дзмітры Міхайлаў — пра Максіма Знака
Кніга Максіма Знака «Зэкамерон» выйшла ў перакладзе на дацкую мову
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў13
Каментары