26 верасня ў Грузіі супрацоўнікі Следчай службы Міністэрства фінансаў затрымалі трох замежных грамадзян па абвінавачанні ў незаконнай прадпрымальніцкай дзейнасці. Сярод іх — грамадзянін Азербайджана Ф. Г. і двое беларусаў А. П. і А. В., піша Reform.news.
Па версіі следства, гэтыя людзі без абавязковай рэгістрацыі ў Нацыянальным банку Грузіі займаліся ў Тбілісі і Батумі абменам крыптаактываў і атрымлівалі значны даход у выглядзе камісіі.
Падчас следчых дзеянняў былі канфіскаваныя 246 975 даляраў ЗША, 103 210 грузінскіх лары (каля 38 тысяч даляраў), 1705 еўра і іншая замежная валюта.
Справу расследуюць паводле ч. 2 арт. 192 Крымінальнага кодэкса Грузіі, які прадугледжвае пакаранне ад 3 да 5 гадоў пазбаўлення волі. Таксама правяраецца, ці не было яшчэ ўхілення ад падаткаў і адмывання незаконных даходаў.
Каментары