Грамадства22

Ізраіль унёс у чорны спіс сотні крыптакашалькоў, меркавана, звязаных з іранскімі спецслужбамі. Заблакаваныя $1,5 мільёна

Ізраільскае Міністэрства абароны афіцыйна прызнала 187 крыптакашалькоў маёмасцю або інструментамі фінансавання Корпуса вартавых іранскай рэвалюцыі (КВІР). 39 з іх ужо заблакаваныя разам з $1,5 мільёна, якія на іх захоўваліся.

Ілюстрацыйная выява, згенераваная нейрасеткай

Міністэрства абароны Ізраіля на пачатку верасня выпусціла загад, згодна з якім 187 USDT-кашалькоў, пераважна ў сетцы Tron, прызналі звязанымі з КВІР. Гэта практычна арыенціроўка для біржаў і фінтэх-пасярэднікаў, каб не праводзіць транзакцыі з гэтымі адрасамі і падрыхтаваць канфіскацыю сродкаў з іх.

Elliptic паведамляе, што праз гэтыя 187 адрасоў сумарна прайшлі каля 1,5 мільёна USDT. Разам з тым не ўсе транзакцыі можна адназначна прыпісаць КВІР, бо частка адрасоў можа належаць крыптасэрвісам і быць часткай іх інфраструктуры.

У выніку 39 з гэтых кашалькоў былі ўнесены ў чорны спіс і на іх фактычна замарозілі каля 1,5 мільёна USDT, якія заставаліся на гэтых адрасах. Магчыма, і некаторыя іншыя кашалькі будуць замарожаныя неўзабаве.

Спіс, кажуць эксперты, патрэбны найперш для маніторынгу і спынення руху сродкаў, якія праходзілі праз гэтыя кашалькі. І гэта сігнал фінансавым арганізацыям пра тое, што Ізраіль плануе і надалей блакаваць крыптавалютныя сродкі Ірана.

Гэта не першая акцыя Ізраіля супраць крыптавалютных актываў Ірана. У чэрвені хакерская група Predatory Sparrow, меркавана звязаная з Ізраілем, узяла на сябе адказнасць за атаку на найбуйнейшую іранскую біржу Nobitex. Яны вывелі і знішчылі каля $90 мільёнаў у розных крыптаактывах. Аналітыкі і міжнародныя СМІ адзначалі, што Nobitex раней ужывалася як канал для аперацый, звязаных з КВІР.

А ў гэтым месяцы Міністэрства юстыцыі ЗША паведаміла пра канфіскацыю $585 тысяч у USDT з крыптакашалька іранскага грамадзяніна Махамада Абедзіна. Яго звязваюць з вытворчасцю навігацыйных сістэм для праграмы беспілотнікаў КВІР, уключна з «Шахедамі». 

Крок Ізраіля з’яўляецца часткай больш шырокай каардынаванай палітыкі: спалучэнне адміністрацыйных чорных спісаў, тэхнічнай блакіроўкі і грамадзянскіх канфіскацый у юрысдыкцыі ЗША.

«Наша Нiва» — бастыён беларушчыны

ПАДТРЫМАЦЬ

Каментары2

  • мільярдэр
    21.09.2025
    У арыгінале напісана billions, а не millions. 1.5 мільёны неяк ня ўражваюць
  • мільярдэр
    21.09.2025
    ...а не - выбачайце) прачытаў па спасылцы далей - і так, вы правы. Мільёны. У загалоўку убачыў billions і вырашыў хутчэй паведаміць пра мільярды. Памыліўся.

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць