У сталіцы набліжаецца да завяршэння маштабнае будаўніцтва ў межах вуліц Лагойскі тракт — Валгаградская — Кнорына — Севастопальская. На месцы знесеных у 2021 годзе двухпавярховых дамоў і некалькіх прыватных катэджаў забудоўшчык МАПІД узвёў пяць новых шматкватэрных дамоў.
«Мінскбуд» паказаў папярэднія вынікі будаўнічых работ у межах Лагойскага тракта — Валгаградскай — Кнорына — Севастопальскай, піша Realt.
У 2021 годзе ў раёне Валгаградскай былі знесены двухпавярховікі і некалькі прыватных дамоў. Тэрыторыю падрыхтавалі пад пяць вышынных дамоў для УКС Цэнтральнага раёна: чатыры панэльныя шаснаццаціпавярховікі і адзін дзесяціпавярховік.
Цяпер завяршаюцца аздобныя работы на доме № 1. Паралельна вядзецца добраўпарадкаванне двароў.
Тут ужо ёсць дзіцячыя пляцоўкі, вулічныя трэнажоры, зоны для адпачынку. Можна заўважыць і станцыю для рамонту і абслугоўвання ровараў з магчымасцю падпампоўкі колаў і праверкі ціску ў камерах. Такое забудоўшчык устанаўлівае ўпершыню.
Кватэры здаюцца з аздабленнем. Жыллё размяркоўваюць сярод тых, хто стаіць у чарзе, у асноўным — шматдзетным сем'ям.
Цяпер чытаюць
Пракуратура пра смерць Мелказёрава: журналіст меў хранічную хваробу17
Каментары