Сёння ноччу стартаваў чарговы сезон у Нацыянальнай хакейнай лізе.
Беларускі абаронца Ілья Салаўёў прапусціў стартавы матч «Каларада Эвеланш» у сезоне 2025/2026. Ён не трапіў у заяўку клуба на паядынак супраць «Лос-Анджэлеса» (1:4).
Ураджэнец Магілёва нядаўна быў забраны «лавінамі» з драфту адмоваў «Калгары» і яшчэ не паспеў зрабіць амерыканскую працоўную візу, піша «Беларускі хакей».
Пакуль Салаўёў вымушаны трэніравацца індывідуальна.
У сезоне 2023/24 25‑гадовы беларус правёў 5 матчаў у НХЛ, адзначыўшыся адной выніковай перадачай пры паказчыку карыснасці «-3».
Сёння ноччу «Чыкага Блэк Хоўкс», за які гуляе беларускі абаронца Арцём Леўшуноў, прайграла «Фларыдзе» з лікам 2:3.
19‑гадовы беларускі абаронца правёў на лёдзе 16:36 (з іх 01:42 у большасці), нанёс 2 кідкі, зарабіў 4 хвіліны штрафу, прымяніў 2 сілавыя прыёмы, дапусціў 4 страты і скончыў матч з паказчыкам карыснасці «+1».
Нагадаем, што Ягор Шаранговіч заяўлены за «Калгары Флэймз», а Аляксей Протас за «Вашынгтон».
Астатнія беларускія хакеісты пакуль знаходзяцца ў размяшчэнні фарм-клубаў у АХЛ.
Каментары