За дапамогу Гаюну пасадзілі маладога зампаліта пагранічнай заставы з Хойнікаў
Артур Сыракваша працаваў на мяжы, праз якую расійская тэхніка ішла ва Украіну.
Гомельскі абласны суд вынес прысуд па справе 31‑гадовага жыхара Хойнікаў Артура Сыраквашы. Яго абвіначвалі па ч. 1 і ч. 2 артыкула 361‑4 Крымінальнага кодэкса — тыповы набор для фігурантаў справы Гаюна.
Артур Сыракваша працаваў намеснікам начальніка пагранічнай заставы «Хойнікі», створанай у 2020 годзе. Быў сакратаром мясцовага БРСМ.
У анкеце Артура «Укантакце» пазначана, што ён родам з Мінска, закончыў БДУ.
У канцы 2010‑х хлопца ўключалі ў участковую камісію на мясцовых выбарах у суседнім Лоеве, дзе ён тады служыў.
Найлепшым адпачынкам у жыцці Артур Сыракваша называў паездку з жонкай Кацярынай у Адэсу.
У міліцэйскай базе «экстрэмістаў» насупраць прозвішча Сыраквашы стаіць пазнака «адбывае пакаранне». Гэта значыць, што ён атрымаў ці калонію, ці хімію з накіраваннем. Аднак практыка паказвае, што сілавікам, затрыманым па справе Гаюна, часцей за ўсё прысуджаюць менавіта калонію.
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Зяленскі: Рэтранслятары на мяжы Беларусі прыпынілі працу69
Каментары