Памерла 32‑гадовая дызайнерка Вольга Шаўцова — амаль палову свайго жыцця яна змагалася з анкалогіяй
Пра смерць Вольгі Шаўцовай, якая 14 гадоў змагалася з анкалогіяй і расказвала пра гэта ў блогу, паведаміў у сацсетках яе муж. «Як бы ні было балюча гэта пісаць, але Воля памерла праз ускладненні ад інфекцый і пнеўманіі».
Вольга Шаўцова нарадзілася ў Гродне. Працавала дызайнеркай партала 34travel. Першы раз дзяўчына захварэла на лейкоз у 2011 годзе. Тады яна прайшла больш за 20 хіміятэрапій, але хвароба не паддавалася — выратавала трансплантацыя касцявога мозга ад донара з Германіі. Пасля пяці гадоў рэмісіі Воля лічылася здаровай, ёй нават знялі групу інваліднасці. Дзяўчына скончыла ўніверсітэт, вандравала, выйшла замуж.
На жаль, яна трапіла ў нешчаслівы адсотак людзей, чыя хвароба вяртаецца нават пры доўгай рэмісіі — пры гэтым у 2022 годзе рак вярнуўся ў яшчэ больш агрэсіўнай форме.
На той момант Вольга ўжо жыла ў Польшчы і трапіла ў Кракаўскую ўніверсітэцкую бальніцу, дзе дактары амаль тры гады змагаліся за яе жыццё: аперацыя па выдаленні пухліны і грудзей вакол, агрэсіўная высокадозавая хіміятэрапія, прамянёвая тэрапія і гэтак далей.
Хвароба змагла адступіць, але ўсяго на тры месяцы: у траўні 2023 года ракавыя клеткі распладзіліся па ўсім арганізме дзяўчыны: іх выявілі ў касцявым мозгу, крыві, цэнтральнай нервовай сістэме, костках, лімфавузлах. На жаль, чарговая трансплантацыя і новае лячэнне не дапамаглі.
З улікам вельмі частага знаходжання ў лякарнях, каб не адчуваць сябе ў ізаляцыі, яшчэ ў 2022 годзе Вольга завяла свой тэлеграм-канал, а таксама падрабязна расказвала пра сваю хваробу і змаганне з ёй у Х (экс-твітары) — за яе радасцямі і нягодамі сачыла амаль пяць тысяч падпісантаў.
Воля сваім прыкладам натхняла людзей на атрыманне асалоды ад жыцця. Праўда, яе апошнія пасты аказаліся сумныя: «Сёння 100 дзён, як я ляжу ў бальніцы. Мару зноў умець стаяць на нагах і хадзіць, але рэальнасць іншая».
Дзяўчына прызнавалася, што за 14 гадоў змагання з анкалогіяй ёй ніколі не было так цяжка, як стала гэтым летам: у яе развілася непраходнасць кішэчніка, было запаленне тонкай кішкі, яна цярпела пастаянны боль.
Пра яе сыход муж напісаў: «Балюча не было».
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
-
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука
Каментары
[Зрэдагавана]
Усім для каго яна ззяла .
Вечная памяць !