Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
Pra śmierć Volhi Šaŭcovaj, jakaja 14 hadoŭ zmahałasia z ankałohijaj i raskazvała pra heta ŭ błohu, paviedamiŭ u sacsietkach jaje muž. «Jak by ni było baluča heta pisać, ale Vola pamierła praz uskładnieńni ad infiekcyj i pnieŭmanii».
Volha Šaŭcova naradziłasia ŭ Hrodnie. Pracavała dyzajnierkaj partała 34travel. Pieršy raz dziaŭčyna zachvareła na lejkoz u 2011 hodzie. Tady jana prajšła bolš za 20 chimijaterapij, ale chvaroba nie paddavałasia — vyratavała transpłantacyja kaściavoha mozha ad donara z Hiermanii. Paśla piaci hadoŭ remisii Vola ličyłasia zdarovaj, joj navat źniali hrupu invalidnaści. Dziaŭčyna skončyła ŭniviersitet, vandravała, vyjšła zamuž.
Na žal, jana trapiła ŭ nieščaślivy adsotak ludziej, čyja chvaroba viartajecca navat pry doŭhaj remisii — pry hetym u 2022 hodzie rak viarnuŭsia ŭ jašče bolš ahresiŭnaj formie.
Na toj momant Volha ŭžo žyła ŭ Polščy i trapiła ŭ Krakaŭskuju ŭniviersiteckuju balnicu, dzie daktary amal try hady zmahalisia za jaje žyćcio: apieracyja pa vydaleńni puchliny i hrudziej vakoł, ahresiŭnaja vysokadozavaja chimijaterapija, pramianiovaja terapija i hetak dalej.
Chvaroba zmahła adstupić, ale ŭsiaho na try miesiacy: u traŭni 2023 hoda rakavyja kletki raspładzilisia pa ŭsim arhaniźmie dziaŭčyny: ich vyjavili ŭ kaściavym mozhu, kryvi, centralnaj niervovaj sistemie, kostkach, limfavuzłach. Na žal, čarhovaja transpłantacyja i novaje lačeńnie nie dapamahli.
Z ulikam vielmi častaha znachodžańnia ŭ lakarniach, kab nie adčuvać siabie ŭ izalacyi, jašče ŭ 2022 hodzie Volha zaviała svoj telehram-kanał, a taksama padrabiazna raskazvała pra svaju chvarobu i zmahańnie ź joj u Ch (eks-tvitary) — za jaje radaściami i niahodami sačyła amal piać tysiač padpisantaŭ.
Vola svaim prykładam natchniała ludziej na atrymańnie asałody ad žyćcia. Praŭda, jaje apošnija pasty akazalisia sumnyja: «Siońnia 100 dzion, jak ja lažu ŭ balnicy. Maru znoŭ umieć stajać na nahach i chadzić, ale realnaść inšaja».
Dziaŭčyna pryznavałasia, što za 14 hadoŭ zmahańnia z ankałohijaj joj nikoli nie było tak ciažka, jak stała hetym letam: u jaje raźviłasia nieprachodnaść kišečnika, było zapaleńnie tonkaj kiški, jana ciarpieła pastajanny bol.
Pra jaje sychod muž napisaŭ: «Baluča nie było».
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?3
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary
[Zredahavana]
Usim dla kaho jana źziała .
Viečnaja pamiać !