Сакрэтная служба ЗША выявіла снайперскую вышку паблізу міжнароднага аэрапорта Палм-Біч, з якой адкрываўся прамы агляд на месца выхаду амерыканскага прэзідэнта Дональда Трампа з самалёта, паведамляе NBC News.
Прэс-сакратар Сакрэтнай службы Энтані Гугліелмі заявіў, што Федэральнае бюро расследаванняў зараз праводзіць расследаванне гэтага факта.
«Сакрэтная служба ЗША цесна супрацоўнічае з ФБР і нашымі партнёрамі з праваахоўных органаў у акрузе Палм-Біч. Падчас папярэдніх падрыхтоўчых мерапрыемстваў па бяспецы перад прыбыццём у Палм-Біч, якія ўключалі выкарыстанне тэхналогій і комплексныя агляды, нашы каманды выявілі аб'екты, што ўяўляюць цікавасць, паблізу міжнароднага аэрапорта Палм-Біч», — сказаў ён.
Ён дадаў, што «гэта не паўплывала на якія-небудзь перамяшчэнні, і на месцы не было ніякіх асоб, якія былі б да гэтага датычныя».
Чыноўнік, знаёмы з ходам расследавання, сказаў, што месца знаходкі размешчана праз дарогу ад аэрапорта, дзе часта паркуюцца прыватныя самалёты, у тым ліку і прыватны самалёт Трампа.
Ён адзначыў, што самалёт з Трампам звычайна не паркуецца ў гэтай зоне, але выкарыстоўваў гэту зону ў мінулым і якраз будзе там стаяць зараз з-за будаўнічых работ, што там вядуцца.
За апошнія два гады на Дональда Трампа былі зроблены два замахі.
У Пенсільваніі ў ліпені 2024 года падчас перадвыбарчага мітынгу 20‑гадовы Томас Крукс адкрыў агонь па Трампу з даху будынка. Крукс быў забіты агентамі Сакрэтнай службы.
У Фларыдзе ў верасні 2024 года 59‑гадовы Раян Рут схаваўся ў хмызняку на гольф-полі ў Уэст-Палм-Біч, каб забіць кандыдата ў прэзідэнты. Ён быў своечасова заўважаны і арыштаваны.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары
Ну типа - пусть говорят про это и поскорее забудут про ту выходку. И еще одно событие создано для этого же. Так же как и "ранение" Вэнса. Просто глупцы из трамповых слуг немного поняли, что такое оскорбление так просто не забудут. Плюс есть поговорка - ты плюнешь на народ и он утрется. А вот народ плюнет - понадобится лодка.