Самалёты заляцелі з боку Калінінградскай вобласці Расіі, у Літве праз парушэнне паветранай прасторы паднялі знішчальнікі НАТА.
Ілюстрацыйны здымак
Літоўскае войска паведаміла, што здарэнне адбылося 23 кастрычніка ў 18 гадзін. Парушэнне паветранай мяжы Літвы зафіксавалі каля Кібартай, піша Delfi.
Верагодна, гэта адбылося падчас расійскіх вучэнняў па дазапраўцы паліва. Самалёты Су-30 і Іл-78 заляцелі на тэрыторыю Літвы (700 м) і праз 18 секунд пакінулі яе.
На месца здарэння вылецелі знішчальнікі НАТА — гішпанскія вайскоўцы на Eurofighter Typhoon, цяпер яны патрулююць паветраную прастору ў раёне парушэння мяжы.
У верасні праз пралёт расійскіх самалётаў у Літве падымаліся венгерскія знішчальнікі.
Каментары