Кіраўнік Венесуэлы Нікалас Мадура напісаў ліст з просьбай да Расіі аб пастаўках ракет, радараў і мадэрнізаваных самалётаў на фоне нарошчвання амерыканскіх сіл у Карыбскім рэгіёне. Пра гэта піша The Washington Post са спасылкай на ўнутраныя дакументы амерыканскага ўрада.
Згодна з дакументамі, што апублікавала The Washington Post, Венесуэла звярталася па вайсковую дапамогу не толькі да Расіі, але і да Кітая ды Ірана.
Паведамляецца, што ў сярэдзіне кастрычніка міністр транспарту Венесуэлы Рамон Селесціна Веласкес наведаў Маскву, дзе сустрэўся са сваім расійскім калегам і перадаў яму ліст ад прэзідэнта Нікаласа Мадура да кіраўніка Расіі. У гэтым лісце Мадура нібыта прасіў дапамогі ва ўмацаванні сістэмы супрацьпаветранай абароны, у тым ліку ў рамонце некалькіх знішчальнікаў Су-20МК2, набытых раней у Расіі.
Акрамя таго, ён прасіў дапамагчы з рамонтам васьмі рухавікоў і пяці радараў, а таксама прадаць Венесуэле расійскія баявыя ракеты і аказаць «лагістычную падтрымку». Мадура падкрэсліў, што самалёты «Су» з’яўляюцца «найважнейшай стрымліваючай сілай у выпадку вайны».
Паводле дакументаў, венесуэльскі лідар таксама прасіў трохгадовае фінансаванне праз «Растэх», аднак сума не ўдакладняецца. Невядома і тое, ці атрымаў Мадура адказ на сваю просьбу.
Трамп рыхтуе ўдары па аэрадромах і партах Венесуэлы
ЗША адправілі да Венесуэлы найбуйнейшы авіяносец, Мадура абвінаваціў Вашынгтон у эскалацыі
Трамп дазволіў ЦРУ праводзіць тайныя аперацыі ў Венесуэле
Дзярждэп і разведка ЗША прапануюць Трампу сілай памяняць уладу ў Венесуэле
Нобелеўскую прэмію міру атрымала лідарка венесуэльскай апазіцыі Марыя Карына Мачада
Цяпер чытаюць
Той самы масажыст расказаў, навошта здымаў голых кліентак22
Каментары
No war! No war! No crazy war! Peace forever!