Урад Літвы растлумачыў, як будзе працаваць мяжа з Беларуссю, закрытая на нявызначаны тэрмін.
Мяжа застаецца закрытай мінімум да серады. Пасля пасяджэння ўрада стане вядома пра далейшае развіццё сітуацыі. Літоўскі бок гатовы да доўгатэрміновага закрыцця мяжы.
«Мы ўжо падрыхтавалі рашэнне аб закрыцці мяжы з Беларуссю на неакрэслены тэрмін», — заявіла прэм'ер-міністр Інга Ругінене.
Кіраўніца ўрада растлумачыла, якім чынам будзе функцыянаваць закрытая мяжа з Беларуссю.
Паводле Ругінене, будуць дзейнічаць выключэнні: дыпламатычная пошта зможа рухацца, грамадзяне Літвы і ЕС змогуць вярнуцца з Беларусі, астатні рух будзе спынены.
Таксама Літва будзе дамагацца ўвядзення санкцый супраць Беларусі з-за гібрыдных атак, якія пачасціліся.
Вечарам 26 кастрычніка чарговы раз была спынена праца Віленскага аэрапорта. Гэта ўжо трэці вечар запар, калі з-за вялікай колькасці кантрабандысцкіх шароў з боку Беларусі спыняліся палёты і закрываліся памежныя пункты пропуску. Агулам у кастрычніку было сарвана больш за 170 рэйсаў у літоўскіх аэрапортах, пацярпелі 27 000 пасажыраў.
Праз гібрыдную атаку з беларускага боку літоўскі ўрад стаў аб'ектам жорсткай крытыкі з боку апазіцыі.
«Літва становіцца недзеяздольнай краінай, якую захочуць аб'язджаць бокам як бізнэсмены, так і турысты», — заявіў старшыня Дэмакратычнага саюза «У імя Літвы» Саўлюс Сквярняліс.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары
Зачыняйце да чацвярга.