Лукашэнка змяніў межы Баранавічаў — забраў 100 га ў вядомага Парка жывёл
Аляксандр Лукашэнка падпісаў указ аб змене межаў Баранавічаў. Згодна з дакументам, са складу горада выключылі 100 гектараў зямлі, якія належаць Зааландшафтнаму парку, і перадалі іх у падпарадкаванне Баранавіцкаму раёну. Імаверна, справа ў вайсковым аэрадроме, што знаходзіцца побач.
Гэтыя землі былі ўключаны ў склад горада толькі ў 2023 годзе, прычым тады таксама тлумачылася рашэнне «рэалізацыяй генеральнага плану горада». Цяперашняе выключэнне з горада абгрунтавана аналагічнымі фармулёўкамі пра «комплекснае развіццё».
Фермерскай гаспадарцы «Зааландшафтны парк» належыць вядомы Парк жывёл, куды адпачыць і паглядзець на прыроду прыязджаюць госці са ўсёй краіны.
Перададзены зямельны ўчастак знаходзіцца непасрэдна каля вайсковай авіябазы ў Баранавічах. Некаторыя ўчасткі нават прымыкаюць да ўзлётна-пасадачнай паласы для знішчальнікаў, звярнула ўвагу «Свабода».
Вайсковы аэрадром у Баранавічах з'яўляецца адной з галоўных авіябаз Беларусі. На яго ўзбраенні знаходзіцца 61‑я знішчальная авіябаза з самалётамі МіГ-29 і Су-30. У 2025 годзе на базу паступілі новыя знішчальнікі Су- 30‑СМ2 і ўдарныя верталёты Мі-35М.
З пачатку поўнамаштабнага ўварвання ва Украіну аэрадром актыўна выкарыстоўвала расійская армія для вылетаў знішчальнікаў і размяшчэння самалётаў далёкай радыёлакацыйнай выведкі А-50.
З 2022 года на авіябазе ідуць актыўныя работы: пабудаваны абарончыя ангары, сховішчы для паліва, адрамантавана ўзлётна-пасадачная паласа.
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў10
Каментары
Або нейкія іншыя прычыны, звязаныя з падпарадкаваннем гораду або раёну. Такія змены перыядычна адбываюцца і з мяжой Мінска.