Пра гэта галівудскі акцёр, вядомы па фільмах «Ілюзія падману», «Сацыяльная сетка» і «Свецкае жыццё», распавёў у інтэрв’ю тэлеканалу NBC.
— Калісьці я пачаў здаваць кроў і, відаць, «падсеў» на гэта. У сярэдзіне снежня я зраблю альтруістычнае ахвяраванне. Я вельмі рады гэтаму, — сказаў Айзенберг.
Ён растлумачыў, што калі камусьці ў ЗША патрэбна нырка, але яго сваяк не падыходзіць па медыцынскіх паказчыках, то донар, такі як ён, можа аддаць орган гэтаму чалавеку.
У адказ сваяк перадасць сваю нырку іншаму пацыенту праз спецыяльную сістэму абмену. Так запускаецца ланцуг перасадак, які працуе толькі дзякуючы людзям, гатовым ахвяраваць свае органы, удакладніў Айзенберг.
З-за недахопу донарскіх органаў у ЗША сярэдні час чакання нырачнай трансплантацыі складае 3—5 гадоў.
У мінулым годзе Джэсі Айзенберг напісаў сцэнар, зняў і спрадзюсаваў вельмі душэўны фільм «Сапраўдны боль», дзе зняўся ў галоўнай ролі. У фільме ён і са стрыечным братам (Кіран Калкін) прыязджаюць з ЗША ў Польшчу, каб наведаць памятныя мясціны, звязаныя з Халакостам. Фільм атрымаў некалькі прэмій, а Кіран Калкін атрымаў «Оскар» за найлепшую ролю другога плана.
Каментары
Айзенбергу никогда не вырежут почку, просто будет числится в каких.то списках как потенциальный донор