На аўкцыёне Matchday Football прадалі парваную футболку легендарнага аргенцінскага нападніка Дыега Марадоны за рэкордную суму — 179 тысяч даляраў. Першапачатковы кошт лота складаў 145 тысяч даляраў, але з улікам камісіі канчатковая сума ўзрасла яшчэ на 34 тысячы.
Футболка стала самай дарагой сярод клубных маек Марадоны, прададзеных на аўкцыёне. У ёй легендарны футбаліст гуляў у фінале Кубка Іспаніі 1984 года за «Барселону» супраць «Атлетыка» з Більбаа (0:1). Пасля матчу выбухнула бойка, у выніку якога футболку Марадоны парвалі.
Захаваць яе ўдалося дзякуючы супрацоўніцы пральні каталонскага клуба, якая забрала папсаваную форму сабе як сувенір. Пазней яна падарыла футболку сяброўцы, а потым тая перайшла ў спадчыну да яе сына.
У сям’і футболка захоўвалася 30 гадоў, пакуль спадчыннік не перадаў яе аўкцыённаму дому.
Марадона падчас свайго візіту ў Беларусь не захацеў сустракацца з Румасам
У Буэнас-Айрэсе разагналі акцыю пенсіянераў і фанатаў Марадоны
Дактароў, што лячылі Марадону перад смерцю, будуць судзіць. Ім пагражае да 25 гадоў турмы
На матацыкле, які «Дынама-Брэст» некалі падарыў Дыега Марадоне, ужо два гады ездзіць беларускі калекцыянер
Італьянскі суд канчаткова апраўдаў Дыега Марадону
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі13
Каментары