У ДР Конга колькасць загінулых ад ліхаманкі Эбола перавысіла пяць тысяч чалавек
Усяго заразіліся 10 351 чалавек, гэта значыць, што памёр амаль кожны другі хворы.
У Дэмакратычнай Рэспубліцы Конга працягваецца маштабная ўспышка ліхаманкі Эбола, якая з мая 2026 года забрала жыцці 5026 чалавек, піша Bild.
Паводле звестак Міністэрства аховы здароўя краіны, усяго заразіліся 10 351 чалавек, гэта значыць, што памёр амаль кожны другі хворы. Гэта ўжо другая па колькасці ахвяр эпідэмія Эболы ў гісторыі. Успышку выклікаў вірус Бундыбуджыё, супраць якога пакуль няма зацверджанай вакцыны.
Штотыдзень у краіне выяўляюць па 400—500 новых выпадкаў захворвання, прычым менш за чвэрць з іх звязаныя з ужо вядомымі ўладам ланцужкамі заражэння. Гэта істотна ўскладняе выяўленне і ізаляцыю інфікаваных. Паводле слоў спецыяліста па інфекцыйных захворваннях Богумы Тытанджы з Універсітэта Эмары, распаўсюджванне віруса стабілізавалася на вельмі высокім узроўні.
Барацьбе з эпідэміяй перашкаджаюць узброеныя канфлікты, недавер мясцовага насельніцтва да медыцынскіх работнікаў і скарачэнне міжнароднай дапамогі. Выпадкі заражэння таксама зарэгістраваныя за межамі Конга, у тым ліку ў Кеніі, Нігерыі і Угандзе.
Еўрапейскія эпідэміялагічныя службы ацэньваюць рызыку распаўсюджвання захворвання ў ЕС як вельмі нізкую. Вірус перадаецца пры непасрэдным кантакце з біялагічнымі вадкасцямі інфікаваных людзей, прычым яны становяцца заразнымі пасля з'яўлення сімптомаў.
Хвароба звычайна пачынаецца з высокай тэмпературы, галаўнога і цяглічнага болю, затым могуць узнікаць ваніты, дыярэя і крывацёкі. У цяжкіх выпадках развіваецца паліорганная недастатковасць. Паводле ацэнак спецыялістаў, дзейныя ў Еўропе сістэмы выяўлення інфікаваных і адсочвання кантактаў істотна зніжаюць верагоднасць маштабнай успышкі.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос21
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары