Учарашні ўдар украінскіх дронаў па Наварасійску прывёў да значных страт у расійскай СПА
Спадарожнікавыя здымкі сведчаць, што былі знішчаныя чатыры пускавыя ўстаноўкі зенітнага комплексу С-400 «Трыумф», якія знаходзіліся на тэрыторыі вайсковай часці, а таксама два важныя радыёлакатарныя комплексы — радар ранняга выяўлення 96Н6 і радар навядзення 92Н6. Пра гэта піша «Украінская праўда» на падставе сваіх крыніц у Службе бяспекі Украіны.
Паведамляецца, што ўсяго ў гэтым раёне размяшчалася каля 12 установак С-400, і з вялікай верагоднасцю частка з іх таксама магла пацярпець ад атакі.
Аперацыю праводзіла СБУ пры падтрымцы іншых сіл бяспекі і абароны Украіны.
Раней паведамлялася, што ў выніку начнога ўдару дронаў была пашкоджаная нафтавая і партовая інфраструктура Новарасійска, у тым ліку нафтасховішча, тэрмінал і прыбярэжныя аб’екты.
Пасля атакі ў свеце выраслі цэны на нафту, а порт часова спыніў экспарт нафтапрадуктаў.
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах40
Каментары