Самалёты, дроны-перахопнікі і СПА. Зяленскі раскрыў дэталі падпісанай дамовы з Францыяй
Украіна і Францыя падпісалі дэкларацыю аб намерах супрацоўніцтва ў сферы набыцця Кіевам абароннага абсталявання. У дакуменце гаворка ідзе пра самалёты, дроны і сістэмы СПА.
«Сёння асаблівы момант, сапраўды гістарычны для абедзвюх нацый — Францыі і Украіны. Падпісалі разам з Эмануэлем Макронам дэкларацыю аб намерах адносна супрацоўніцтва ў сферы набыцця Украінай абароннага абсталявання», — заявіў Зяленскі.
Паводле яго слоў, гэты дакумент дае Украіне магчымасць набыць вайсковае абсталяванне з французскай абароннай прамысловай і тэхналагічнай базы, у прыватнасці:
- 100 самалётаў Rafale F4 да 2035 года для баявой авіяцыі Украіны;
- сістэмы СПА SAMP-T;
- радары да сістэм СПА;
- ракеты класа «паветра-паветра»;
- авіябомбы.
Таксама ўжо ў гэтым годзе пачнуцца сумесныя праекты паміж абароннымі галінамі. Краіны будуць супольна распрацоўваць дроны-перахопнікі, працаваць над развіццём крытычных тэхналогій і кампанентаў, якія могуць быць інтэграваныя ва ўкраінскія беспілотнікі.
Французскі бок падкрэслівае, што падпісаная дэкларацыя з'яўляецца крокам да падпісання канкрэтных кантрактаў, якія ўмацуюць доўгатэрміновую абароназдольнасць Украіны.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў9
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары