У Германіі прайшло адно з самых кароткіх сёлетніх інтэрв'ю: сузаснавальнік Wikipedia Джымі Уэйлс пайшоў са студыі пасля 48 секунд размовы з журналістам і блогерам Ціла Юнгам, паведамляе Bild.
Юнг пачаў размову з пытання, ці з'яўляецца Уэйлс адзіным заснавальнікам Вікіпедыі. Уэйлс рэзка адрэагаваў: «Гэта не важна. Гэта самае недарэчнае пытанне ў свеце. Называйце мяне як хочаце».
Калі вядучы паспрабаваў удакладніць фармулёўку, Уэйлс раззлаваўся: «Я ўжо чатыры разы адказаў. Гэта не важна. Ведаеце што? Я скончыў. Дзякуй». Пасля гэтага ён пакінуў студыю.
Юнг, які застаўся ў кадры адзін, толькі заўважыў: «Добра. Самае кароткае інтэрв'ю на гэтым канале. Да пабачэння».
Рэзкая рэакцыя Уэйлса звязаная з ягоным шматгадовым канфліктам з Лары Сэнгерам — другім стваральнікам Вікіпедыі. Сэнгер абвінавачваў Уэйлса ў тым, што той часам прадстаўляў сябе як адзінага заснавальніка праекта. На самой Вікіпедыі абодва па-ранейшаму пазначаны як «сузаснавальнікі».
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ
Пасля рэпрэсій супраць рэдактараў беларускія раздзелы Вікіпедыі б'юць антырэкорды
На стварэнне расійскай альтэрнатывы Вікіпедыі патрацілі $25 мільёнаў, а на ліквідацыю патрацяць яшчэ амаль $4 мільёны
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
Сэнгер зараз вельмі папулярны ў МАГА-колах, бо ён даўно незадаволены тым, што вікіпедысты адкідаюць маргінальныя крыніцы і ангажаваныя медыя па пытаннях, якія з'яўляюцца ідэалагічнай фіксацыяй для амерыканскіх правых.