Пасля двух дзён спакою на межах Беларусі зноў з'явіліся мігранты
Пасля двух дзён спакою на мяжы Беларусі з Еўрасаюзам зноў былі зафіксаваныя спробы незаконнага пераходу. Паводле аператыўных даных памежных службаў, якія прааналізавала выданне «Позірк», 20 лістапада Польшча і Латвія паведамілі пра аднаўленне актыўнасці мігрантаў.
Латвія зафіксавала 16 спробаў незаконнага пранікнення. Польшча паведаміла пра «больш за дзесяць» выпадкаў, а дакладныя лічбы абяцаюць апублікаваць 22 лістапада.
Падляскае аддзяленне польскай памежнай службы асобна паведаміла пра чатыры спробы, калі групы мігрантаў, заўважыўшы польскія патрулі, вярнуліся «ўглыб Беларусі».
Да гэтага Польшча не фіксавала падобных выпадкаў тры дні (17—19 лістапада), а Латвія — два (18 і 19 лістапада).
Толькі на беларуска-літоўскім участку мяжы сітуацыя застаецца спакойнай: там не адзначаецца міграцыйнай актыўнасці з 1 лістапада.
Другі дзень запар з Беларусі ў Еўрасаюз не спрабуе прабіцца ніводзін мігрант
«Пасля няўдалай кавалерыйскай атакі ў форме закрыцця межаў суседзі Беларусі могуць выбраць варыянт мірнага суіснавання з рэжымам»
Нуль парушэнняў: мігранты не спрабавалі нелегальна перайсці межы Літвы, Латвіі і Польшчы
Спробы нелегальнага пераходу мяжы з Польшчай у апошнія дні амаль спыніліся
Каментары