«Няма на што глядзець». Сарказі, які 20 дзён прабыў у турме, ужо напісаў кнігу на 200 старонак пра гэта
Былы прэзідэнт Францыі Нікаля Сарказі выдае кнігу пра сваё зняволенне, якое доўжылася 20 дзён. Выданне аб'ёмам 216 старонак паступіць у продаж 10 снежня пад назвай «Дзённік зняволенага» (Le journal d’un prisonnier).
Сарказі, якому прысудзілі пяць гадоў (з іх частку ўмоўна) за злачынную змову і незаконнае фінансаванне кампаніі 2007 года лівійскімі грашыма, падзяліўся сваімі ўражаннямі ад знаходжання ў камеры.
«У турме няма на што глядзець і няма чаго рабіць. Я забываюся пра цішыню, яе там няма. На жаль, шум там пастаянны», — паскардзіўся Сарказі ў кнізе.
Нягледзячы на цяжкасці, былы прэзідэнт адзначыў, што тэрмін у турме «загартоўвае» чалавека.
«Я ніколі не думаў, што ў 70 гадоў спазнаю, што такое турма. Мне вынеслі такі прысуд, — напісаў Сарказі. — Гэта цяжка, вельмі цяжка. Упэўнены, гэта тычыцца кожнага зняволенага. Я б нават сказаў, што гэта вымотвае».
Сарказі прабыў у турме з 21 кастрычніка па 10 лістапада. Яго вызвалілі пры ўмове, што ён не пакіне Францыю і не будзе кантактаваць з іншымі абвінавачанымі і шэрагам службовых асоб.
Паколькі Сарказі правёў за кратамі прыкладна 20 дзён, на кожныя суткі зняволення прыпадае каля 10 старонак ягонай кнігі.
Каментары
Ещё и пасквиль тиснул
Саака вон сидит который год
Тоже верно конечно… по делу