Пазняк пра мірны план Трампа: Гэта не справядліва, але рацыянальна для ЗША
«Трамп імкнецца, каб мір быў абавязкова заключаны, нават коштам Украіны».
Зянон Пазняк пракаментаваў актывізацыю перамоў адносна спынення расійска-украінскай вайны, заяўляючы, што дзеянні адміністрацыі Дональда Трампа прадыктаваны рацыянальнымі інтарэсамі Злучаных Штатаў.
«У сітуацыі, якая трывае ўжо тры гады, у інтарэсах Злучаных Штатаў (асабліва ўлічваючы чыннік Кітая) трэба, каб скончылася расейска-украінская вайна. Злучаным Штатам не карысна ўвязацца ў гэтую вайну, і таму прэзідэнт Трамп імкнецца, каб мір быў абавязкова заключаны, нават коштам Украіны. Гэта не справядліва, але з рацыянальнага гледзішча адміністрацыі ЗША, лепш, чым пакінуць сітуацыю з цякучым канфліктам на вымотванне сіл (і, адпаведна, з уцягненнем Амерыкі ў падзеі)», — піша Пазняк.
Галоўную праблему ў мірным працэсе Пазняк бачыць у пазіцыі Расіі.
«Галоўная цяжкасць, аднак, у тым, што рускія якраз намераны праводзіць вайну на знясільванне, каб забраць усю Украіну і адпаведна разумеюць амерыканскі «План-28», які рэальна ім не патрэбны (гэтак жа, як і еўрапейскі).
Можна спадзявацца, што (каб прымусіць Расею да міру) Амерыка зноў звернецца да палкі: эканамічнага, санкцыйнага, фінансавага і геапалітычнага ціску на Маскву. Шансы тут ёсць, але ахвяры і смерць не спыняцца», — піша палітык.
Ён дадае, што «наша беларуская нацыянальная задача — усімі сіламі падтрымліваць Украіну».
-
«Лукашэнку нельга назваць нават малодшым партнёрам Пуціна». Кіт Келаг расказаў пра ролю Лукашэнкі ў перамовах ЗША і Расіі
-
У Барысаве дзяцел заняўся дызайнам фасадаў і не дае жыхарам зранку спаць
-
«Так званая постпенітэнцыярная адаптацыя». Дэпартаваны палітвязень Кірыла Пазняк апублікаваў сваё ФОТА з дочкамі
Каментары