Дзяржсакратар ЗША Марка Рубіа заявіў, што для завяршэння канфлікту неабходна размаўляць з Расіяй.
«Урэшце, ведаеце, гэта не наша справа. Гэта не наша вайна. Мы ў ёй не ваюем. Гэта не амерыканскія салдаты. Гэта на іншым кантыненце. Мы ўцягнутыя, бо мы — адзіныя, хто можа гэта зрабіць. Еўрапейскія краіны, больш ніхто ў свеце не можа гэтага зрабіць. Кітайцы не могуць. Адзіны лідар у свеце, які можа размаўляць з абодвума бакамі і заключыць максімальна магчымую дамову, — гэта прэзідэнт Трамп. І ён быў вельмі цярплівы», — пракаментаваў Марка Рубіа.
Ён заявіў, што адміністрацыя ЗША спрабуе зразумець, ці магчыма пераадолець рознагалоссі паміж двума бакамі.
«Для гэтага нам трэба гаварыць з абодвума. У нас ёсць некалькі не зусім рацыянальных людзей, замешаных у гэтым пытанні. Людзі, якія лічаць, што нам варта размаўляць толькі з украінскім бокам і ўвогуле не гаварыць з рускімі. Немагчыма спыніць вайну паміж Расіяй і Украінай, не пагаварыўшы з Расіяй. Таксама неабходна ўлічваць пазіцыю Украіны. Урэшце, усё будзе залежаць ад іх. Калі яны вырашаць не спыняць вайну, яна будзе працягвацца», — дадаў Марка Рубіа.
Ён таксама адкінуў сцверджанні, што ЗША павінны перастаць фінансаваць Украіну
«Гэта нерэалістычна. Гэта не адпавядае рэчаіснасці. І гэтага не адбудзецца. Пару тыдняў таму Пуцін сказаў: «Гэта можа заняць шмат часу, але мы дасягнём сваіх мэтаў. Магчыма, гэта абыдзецца даражэй і зойме больш часу, чым мы хацелі, але мы справімся». І я думаю, менавіта такі ў іх менталітэт. Мы ж спрабуем знайсці магчымасць скончыць вайну, каб абараніць будучыню Украіны», — заключыў дзяржсакратар ЗША.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары