Дарадца Ціханоўскай сустрэўся ў Вашынгтоне з прадстаўніком Дзярждэпа, які ўдзельнічаў у вызваленні беларускіх палітвязняў
Дыпламатычны дарадца Святланы Ціханоўскай Дзяніс Кучынскі ў Вашынгтоне сустрэўся з намеснікам памочніка Дзяржсакратара ЗША ў справах Усходняй Еўропы Крысам Смітам.
Фота з акаўнта Дзяніса Кучынскага
«Выдатная дыскусія ў Дзярждэпе з намеснікам памочніка Крысам Смітам — нашым сапраўдным сябрам і саюзнікам. Ад імя Святланы Ціханоўскай я выказаў яму падзяку, а таксама спецпасланніку ЗША ў справах Беларусі Джону Коўлу за іх нястомныя намаганні па вызваленні палітвязняў і за іх прынцыповае і моцнае лідарства», — напісаў Дзяніс Кучынскі ў Х.
Крыс Сміт прыязджаў у Мінск разам з Кітам Келагам у чэрвені, калі былі вызваленыя 14 чалавек, у тым ліку і Сяргей Ціханоўскі.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку47
Каментары