У Гомелі ў аддзеле выпечкі сеткавай крамы пакупнікі ўбачылі прусакоў
Сваёй нечаканай знаходкай беларуска падзялілася ў TikTok. На відэа бачна, што прусак запёкся разам з булкай, піша BGmedia.
У сеткавай краме «Суседзі» ў Гомелі заўважылі прусакоў. Яны былі ў аддзеле выпечкі.
На відэа, якім падзялілася мясцовая жыхарка ў TikTok, відаць, што прусака запяклі разам з булкамі.
«Гэта гамон… Гэта прусак, рабяты! Мы зрабілі бургеры (ці хотдогі), а тут прусак. Булкі для іх куплялі ў «Суседзях». Гэта п…ц», — адзначае аўтарка відэа.
У каментарах пад відэа беларускія карыстальнікі здзівіліся, што на вытворчасцях дагэтуль не здолелі пазбавіцца ад прусакоў:
«Падвойнае начынне… Як магчыма ў наш час не вывесці прусакоў? У 90‑я гады я працавала на дробнай пякарні. Першы раз зайшла — шарахалася. Пазней, калі з’явіліся спецыяльныя шпрыцы з атрутай для прусакоў, імі намазалі, і яны зніклі. А зараз ёсць розныя сродкі, няўжо нельга іх пратруціць?» — задаюцца пытаннем людзі.
Некаторыя беларусы пажартавалі з самой сітуацыі.
- «У Кітаі б сказалі, а чаго ён адзін».
- «Прусак быў да гатоўнасці. А пасля выпечкі проста разынкі».
- «Нічога дзіўнага. Гэта бялок».
- «Усё паводле дзяржстандарту! Бургер з прусакамі».
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3
Каментары
А вообще у нас бы эта пекарня приостановила свою деятельность.
До отъезда пожарных.