Марына Золатава знаходзілася за кратамі з 18 мая 2021 года. У сакавіку 2023‑га яе асудзілі на 12 гадоў пазбаўлення волі ў калоніі агульнага рэжыму. Марына Золатава ўвайшла ў групу палітвязняў, якіх вызвалілі 13 снежня.
Галоўную рэдактарку найбуйнейшага партала Беларусі затрымалі 18 мая 2021 года. У той дзень сілавікі прыйшлі дадому не толькі да яе, але і да некаторых іншых супрацоўнікаў кампаніі і партнёрскіх арганізацый у рамках крымінальнай справы па прыкметах складу злачынства, прадугледжанага ч. 2 арт. 243 КК (ухіленне ад выплаты сум падаткаў, збораў у асабліва буйным памеры).
Суд па справе TUT.BY пачаўся толькі ў пачатку 2023 года і праходзіў у закрытым рэжыме. Разам з Золатавай судзілі дырэктарку ТАА «Тут бай медыя» Людмілу Чэкіну, рэдактарку аддзела эканомікі і палітыкі Вольгу Лойку, карэспандэнтку Алену Талкачову і юрысконсульта Кацярыну Ткачэнка. Перад судом Талкачова, Лойка і Ткачэнка выехалі за мяжу.
Марына Золатава абвінавачвалася ў «дапамозе ва ўхіленні ад выплаты падаткаў, распальванні сацыяльнай варожасці і варажнечы, распаўсюдзе матэрыялаў з заклікамі да дзеянняў, накіраваных на прычыненне шкоды нацыянальнай бяспецы Беларусі».
17 сакавіка 2023‑га рэдактарка была асуджана на 12 гадоў пазбаўлення волі ва ўмовах агульнага рэжыму па частцы 1 артыкула 130 КК Беларусі «Распальванне расавай, нацыянальнай, рэлігійнай альбо іншай сацыяльнай варожасці» і частцы 3 артыкула 361 «Заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь». Таксама МУС і КДБ унеслі Марыну Золатаву ў спісы «экстрэмістаў» і «тэрарыстаў».
Пакаранне Марына адбывала ў жаночай папраўчай калоніі № 4 у Гомелі.
На волі яе чакалі муж і двое дзяцей — дачка Надзея і сын Фёдар.
Марына Золатава нарадзілася ў Мінску 6 лістапада 1977 года. Пасля заканчэння філфака БДУ вучылася ў аспірантуры Інстытута мовазнаўства Нацыянальнай акадэміі навук. Працавала ў дзяржаўным Інстытуце праблем навукі, а таксама ў інфармацыйным агенцтве БелаПАН.
У 2004 годзе Марына ўзначаліла Tut.by. На той момант сайт быў звычайным агрэгатарам навін. Выстаўлялі самае цікавае, што прадукавалася на іншых пляцоўках. Фактычна Золатава была першай, хто на партале прафесійна заняўся менавіта навінамі.
Калі яна прыйшла на працу, сайт меў усяго 6000 унікальных карыстальнікаў за суткі. Праз сямнаццаць гадоў, у 2021-м, наведвальнасць стала вышэйшай больш як у 100 разоў. Сайт ператварыўся ў вялікі партал і стаў самым уплывовым беларускім рэсурсам, з меркаваннем якога вымушаныя былі лічыцца і на які мусілі рэагаваць улады.
Першы раз Марына Золатава была затрыманая 7 жніўня 2018 года па так званай справе БелТА. Тады высветлілася, што некалькі вядомых у Беларусі рэдактараў і журналістаў пад чужым паролем карысталіся платнай версіяй дзяржаўнага агенцтва. З дзясятак журналістаў на трое сутак апынуліся на Акрэсціна. Аднак да суда была даведзеная адна справа — супраць Марыны Золатавай па частцы 2 артыкула 425 Крымінальнага кодэкса «Бяздзейнасць службовай асобы». У выніку Золатава сплаціла штраф у памеры 300 базавых велічынь.
Другі раз яна патрапіла за краты ў маі 2021-га.
У Tut.by, да журналістаў і дахаты да Марыны Золатавай прыйшлі сілавікі. Сайт заблакаваны
Пяць фактаў пра затрыманую рэдактарку Tut.by Марыну Золатаву
Золатава і Чэкіна — 12 гадоў калоніі. На прысудзе суддзя Валянціна Зянькевіч трымала іх у кайданках
«Зайшла ў залу — і людзі падняліся, пачалі пляскаць». Сем яркіх фота галоўрэда Tut.by Марыны Золатавай да яе 48-годдзя
Цяпер чытаюць
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары