Грамадства66

Польская пракуратура расследуе смерць Мікіты Мелказёрава

Як стала вядома «Белсату», польская пракуратура пачала расследаванне смерці журналіста Мікіты Мелказёрава паводле артыкула аб ненаўмысным забойстве. Такі артыкул выкарыстоўваюць заўсёды, калі прычыну смерці яшчэ не выявілі.

Мікіта Мелказёраў. Фота: «Еўрарадыё»

Прэс-сакратар Акруговай пракуратуры Варшавы Пётр Антоній Скіба паведаміў «Белсату», што сёння пачалося расследаванне справы аб ненаўмысным забойстве:

«Гэта традыцыйная фармулёўка, якая даецца ў сітуацыях, калі прычына смерці невядомая. Будзе праведзенае анатамаванне — мы не ведаем, калі дакладна, магчыма, гэта будзе яшчэ да Калядаў. Не выключаю, што паспеюць да Новага года».

Чыноўнік адзначыў, што праваахоўныя органы будуць абнародаваць толькі тыя звесткі ў гэтай справе, якія адпавядаюць інтарэсам сям'і нябожчыка:

«Цела ў цяперашні момант застаецца ва Установе судовай медыцыны Варшаўскага медычнага ўніверсітэта, і гэты аб’ект будзе выконваць ускрыццё. З увагі на зацікаўленасць медыяў мы будзем імкнуцца абнародаваць звесткі, якія не супярэчаць інтарэсам сям'і загінулага. Далейшыя працэсуальныя дзеянні залежаць ад вынікаў судова-медыцынскай экспертызы. Усё залежыць ад таго, што стане вядома пасля ўскрыцця».

Звычайна анатамаванне праводзіцца цягам двух тыдняў.

«Магчыма, вынікі з’явяцца раней. Мы ўжо тэлефанавалі ў судмедэкспертызу з просьбай, каб зрабілі ўсё як мага хутчэй», — сказаў Скіба.

Ён таксама паведаміў, што пакуль у сувязі са смерцю была апытаная толькі ўдава Мікіты і што галоўная версія следства цяпер — негвалтоўная смерць:

«На гэтым этапе мы бярэм пад увагу, што смерць магла адбыцца з натуральных прычын, але ўсё гэта праверым шляхам паслядоўнага збору доказавага матэрыялу».

Каментары6

  • Яська
    23.12.2025
    Лукашука трэба дапытаць жорстка.
  • Языказанаўца
    23.12.2025
    [Рэд. выдалена]
  • Скиба
    23.12.2025
    Главное не выйти на самих себя

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю9

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся62

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай23

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю9

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць