Цана на золата ўпершыню перавысіла адзнаку $5 тысяч, працягваючы гістарычны рост
Біржавы кошт на золата ўпершыню перавысіў 5 тысяч даляраў за унцыю, працягваючы гістарычны рост, у выніку якога ў 2025 годзе цэны на гэты каштоўны метал падскочылі больш чым на 60%.
Гэта адбылося на фоне росту напружанасці паміж ЗША і НАТА з нагоды Грэнландыі, што ўзмацніла нарастаючую занепакоенасць фінансавай і геапалітычнай нявызначанасцю, піша Бі-бі-сі.
Гандлёвая палітыка прэзідэнта ЗША Дональда Трампа таксама выклікае неспакой на рынках. У суботу ён прыгразіў увесці 100‑працэнтныя пошліны на Канаду, калі яна заключыць гандлёвае пагадненне з Кітаем.
Золата і іншыя каштоўныя металы традыцыйна лічацца бяспечнымі актывамі, якія інвестары купляюць у перыяды нявызначанасці.
У пятніцу цана на срэбра ўпершыню перавысіла 100 даляраў за ўнцыю, працягнуўшы рост амаль на 150% у мінулым годзе.
З пачатку студзеня цана золата вырасла на 10 працэнтаў.
Попыт на каштоўныя металы таксама абумоўлены цэлым шэрагам іншых фактараў, уключаючы больш высокую, чым звычайна, інфляцыю, слабы даляр ЗША, пакупкі цэнтрабанкамі па ўсім свеце, а таксама чаканае зніжэнне працэнтных ставак Федэральнай рэзервовай сістэмай ЗША ў гэтым годзе.
Войны ва Украіне і Газе, а таксама захоп Вашынгтонам прэзідэнта Венесуэлы Нікаласа Мадура таксама спрыялі росту цаны на золата.
Каментары