Свет

Eўрапейскія лідары правялі кансультацыі па выніках сустрэчы Трампа і Зяленскага

Еўрапейскія лідары пасля чарговага этапу перамоў, прысвечаных вайне ва Украіне, заявілі, што з’явіліся прыкметы руху да міру і асцярожныя падставы для надзеі.

Еўрапейскія лідары падчас сустрэчы ў Берліне 15 снежня. Фота: AP Photo/Markus Schreiber, Pool

Федэральны канцлер Германіі Фрыдрых Мерц паведаміў, што адбыліся новыя кансультацыі з удзелам еўрапейскіх краін і Канады. Паводле яго слоў, мірны працэс паступова прасоўваецца, аднак цяпер ад усіх бакоў, у тым ліку ад Расіі, патрэбныя адкрытасць і шчырасць.

Прэм’ер-міністр Польшчы Дональд Туск таксама адзначыў станоўчыя сігналы. Ён выказаў меркаванне, што вайна можа завяршыцца хутчэй, чым чакалася. Пры гэтым Туск падкрэсліў, што гаворка ідзе толькі пра надзею, а не пра гарантаваны вынік, і заклікаў не паддавацца празмернаму аптымізму.

Еўрапейскія лідары правялі кансультацыі пасля сустрэчы прэзідэнта Украіны Уладзіміра Зяленскага з прэзідэнтам ЗША Дональдам Трампам, якая адбылася 28 снежня ў Фларыдзе і была прысвечана мірнаму ўрэгуляванню канфлікту. Пасля перамоў стала вядома, што не ўсе пытанні, у прыватнасці сітуацыя вакол Данбаса, удалося цалкам узгадніць. У той жа час ЗША заявілі пра пэўныя саступкі з боку Масквы адносна Запарожскай АЭС. Паводле ўдзельнікаў сустрэчы, пытанне гарантый бяспекі для Украіны амаль цалкам узгоднена, а мірны план гатовы прыкладна на 90% працэнтаў.

Таксама Трамп абвясціў пра намер стварыць спецыяльную групу з высокапастаўленых прадстаўнікоў ЗША, якая будзе весці перамовы з Расіяй. Зяленскі паведаміў, што канчатковае ўзгадненне абмеркаваных у ЗША пытанняў чакаецца ўжо на наступным тыдні, а ў студзені плануецца візіт украінскай і еўрапейскай дэлегацый у Вашынгтон.

Пасля сустрэчы ў Фларыдзе Зяленскі і Трамп абмеркавалі яе вынікі з еўрапейскімі лідарамі. Старшыня Еўракамісіі Урсула фон дэр Ляен адзначыла, што падчас гэтых кантактаў быў дасягнуты добры прагрэс.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць