На гарналыжным курорце каля перавалу Монтэ-Мора ў італьянскіх Альпах адбылася аварыя на канатнай дарозе Макуньяга. У выніку інцыдэнту каля ста чалавек аказаліся заблакаванымі на вышыні прыкладна 2800 метраў над узроўнем мора, паведамляе Euronews.
Здарэнне адбылося 30 снежня ў рэгіёне П’емонт. Паводле папярэдняй інфармацыі, адна з кабін падчас пад’ёму рухалася з празмернай хуткасцю і, заехаўшы на станцыю, не здолела своечасова затармазіць і ўрэзалася ў агароджу. Амаль адначасова на станцыю з другога боку прыехала яшчэ адна кабіна, у якой быў толькі кіроўца; ён атрымаў лёгкія траўмы.
У выніку аварыі пацярпелі як мінімум чатыры чалавекі, іх траўмы аказаліся нязначнымі. Гарналыжныя трасы адразу закрылі, а працу пад’ёмніка спынілі.
На вышыні засталіся 94 турысты, у тым ліку дзеці, а таксама пяцёра работнікаў. На месца прыбылі горныя ратавальнікі, экстранныя службы, карабінеры і пажарныя. Эвакуацыю праводзілі з дапамогай верталётаў, усіх людзей паспяхова даставілі ўніз.
Прадстаўнік кампаніі — аператара канатнай дарогі паведаміў, што цяпер праводзіцца праверка прычын аварыі. Паводле папярэдніх высноў, збой адбыўся з-за праблем з тармажэннем кабіны пры ўездзе на станцыю. Ён падкрэсліў, што сур’ёзных траўмаў няма і жыццю людзей нічога не пагражае: самая цяжкая траўма — рана на руцэ ў 59‑гадовага мужчыны.
Канатную дарогу Макуньяга пабудавалі яшчэ ў 1962 годзе, а ў 2023 годзе яна прайшла капітальную мадэрнізацыю з заменай рухавікоў і кабін, на якую было выдаткавана каля двух мільёнаў еўра.
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў1
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары