У Барысаве 18‑гадовы хлопец спрабаваў скончыць жыццё самагубствам у жывым эфіры
Малады чалавек запусціў стрым у сацсетках, падчас якога, паводле прэс-службы МУС, збіраўся выскачыць з акна. Яго паспелі выратаваць.
Інцыдэнт адбыўся ў ноч з 1 на 2 лютага. 18‑гадовы барысаўчанін вёў анлайн-трансляцыю, падчас якой адкрыта заяўляў пра намер развітацца з жыццём. Адзін з гледачоў, які назіраў за стрымам, звярнуў увагу на краявід з акна, што мільгануў у кадры, піша прэс-служба МУС. Мужчына выказаў здагадку, што гэта будынак інтэрната ў Барысаве, і паведаміў пра гэта ў міліцыю.
Супрацоўнікі мясцовага РУУС выехалі туды. Пасля кароткай гутаркі з хлопцам на месца выклікалі медыкаў. Цяпер малады чалавек знаходзіцца ў бальніцы пад наглядам спецыялістаў, яго жыццю нічога не пагражае, паведамляе прэс-служба МУС.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары