Выдадзены ў ЗША дакументальны фільм пра Меланію Трамп, нягледзячы на гучную прэм’еру і вялікі бюджэт, не змог завабіць значную колькасць гледачоў і паказаў слабыя касавыя вынікі, піша Bild.
Кампанія Amazon зрабіла стаўку на гламур, вядомых палітычных фігур і дарагую здзелку, аднак чаканага ажыятажу ў першыя дні пракату не адбылося. У ЗША за стартавы ўік-энд фільм сабраў крыху больш за 7 мільёнаў даляраў, выйшаўшы амаль у 1800 кінатэатрах. Пры гэтым, паводле звестак СМІ, агульныя выдаткі Amazon на вытворчасць, маркетынг і пракат склалі каля 75 мільёнаў даляраў.
Нягледзячы на гэта, у Amazon MGM назвалі старт паспяховым, заявіўшы, што гэта нібыта самы моцны дэбют дакументальнага фільма за апошняе дзесяцігоддзе, калі не браць пад увагу канцэртныя стужкі. Аднак эксперты кінаіндустрыі з такой ацэнкай не пагаджаюцца.
Business Insider падлічыў, што кампанія ўжо панесла значныя страты, а The Guardian адзначае: каб хаця б акупіцца, фільм павінен сабраць каля 100 мільёнаў даляраў па ўсім свеце.
Для параўнання, буйныя мастацкія фільмы ў 2025 годзе за першыя выхадныя ў ЗША зараблялі значна больш — дзясяткі, а часам і сотні мільёнаў даляраў.
На міжнародным рынку сітуацыя выглядае яшчэ горш. У Вялікабрытаніі фільм стартаваў толькі на 29‑м месцы, сабраўшы каля 33 тысяч фунтаў стэрлінгаў у 155 кінатэатрах, прычым многія сеансы праходзілі пры амаль пустых залах. У Аўстраліі стужка заняла 31‑е месца. У выніку The Guardian робіць выснову, што фільм можна лічыць няўдалым.
Асабліва кантрастна гэта выглядае на фоне заяў Дональда Трампа напярэдадні прэм’еры: ён прагназаваў аншлагі і сцвярджаў, што фільм абавязкова варта паглядзець, і што квіткі будуць раскупляць вельмі хутка.
Цяпер чытаюць
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы11
Каментары
Але ж яго і не здымалі менавіта для кінатэатраў. Па першае ён здымаўся для стрымінгава сэрвісу, дзе меў вялікія прагляды для дакументалкі.