Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Планамі зняволеных цікавяцца як у калоніях, так і на хіміях.
У апошнія дні палітвязняў па ўсёй краіне выклікаюць да адміністрацыі папраўчай установы, дзе яны знаходзяцца, і распытваюць пра планы на жыццё пасля магчымага вызвалення.
Прычым сілавікі дазваляюць вязням паведамляць пра такія размовы сваім сваякам пры званках і ў лістах.
«Нашай Ніве» вядома мінімум пра чатыры ўстановы, дзе масава збіралі палітвязняў і апытвалі на гэтую тэму. Гэта і калоніі для тых, хто асуджаны першы раз, і калоніі для рэцыдывістаў, і хіміі з накіраваннем.
Наколькі можна зразумець з усіх сабраных звестак, змест размовы адрозніваецца, але асноўнае пытанне датычыцца таго,
ці хоча чалавек выязджаць за мяжу, ці хоча заставацца ў Беларусі.
Пра гэта апытваюць і тых, каму адносна хутка вызваляцца, і тым у каго вялікія тэрміны.
Сведчанняў пра ціск пры выбары між гэтымі двума варыянтамі няма.
Ці выклікаюць на такія размовы палітвязняў, якія знаходзяцца ў СІЗА і пакуль не маюць судовага рашэння, пакуль невядома.
На гэты момант «Вясне» вядомыя імёны 1149 палітвязняў.
«Наша Нiва» — бастыён беларушчыны
ПАДТРЫМАЦЬЦяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?1
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Только надо чтобы всех по статьям выпустили, а не только кого признали пз