З Пішчалаўскага замка (былога СІЗА №1, вядомага таксама як Валадарка) зробяць кавярні, а таксама там будуць ладзіць культурна-масавыя мерапрыемствы.
Пасля рэканструкцыі на гэтай тэрыторыі з’явіцца шматфункцыянальны комплекс. Паводле распрацаванай канцэпцыі, плануюць захаваць 5 пабудоў, якія адносяцца да гісторыка-культурных каштоўнасцей: сам замак, аднапавярховы будынак за ім і аб’екты першай лініі з боку вуліцы Валадарскага, якія сёння схаваныя за агароджай. Больш познія прыбудовы і плот будуць дэмантаваныя.
Што да прызначэння будынкаў, у іх размесцяцца аб’екты грамадскага харчавання і адміністрацыйныя памяшканні. Аператарамі выступяць «Мінатэль», «Аква-Мінск», «Белкаапсаюз», бізнэс-цэнтр «Сталіца», ГЦ «Сталіца», «Камунарка».
Тым часам Blizko.by атрымала фатаграфіі: вакол самога Пішчалаўскага замка ідзе знос будынкаў.
Мяркуючы па здымках, дэмантуецца двухпавярховы корпус з боку фабрыкі-кухні, да якога прылягае былы будынак СІЗА пад умоўнай назвай «Шанхай».
Вось так у выніку будзе выглядаць былы замак. Асноўны этап рэканструкцыі абяцаюць пачаць ужо сёлета.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары