На традыцыйнай навагодняй прэс-канферэнцыі прэм'ер-міністарка Джорджа Мелоні заявіла, што трэба прызначыць спецыяльнага пасланніка Еўропы па ўкраінскім пытанні, які будзе весці перамовы і з Украінай, і з Расіяй.
«Я лічу, што настаў момант, калі і Еўропа павінна гаварыць з Расіяй, таму што калі Еўропа вырашыць удзельнічаць у гэтай фазе перамоў, размаўляючы толькі з адным з двух бакоў, яе пазітыўны ўклад будзе абмежаваным», — сказала прэм’ерка Італіі.
Пры гэтым яна папярэдзіла пра неабходнасці каардынаванага ўдзелу: разрозненыя дзеянні могуць пайсці толькі на карысць прэзідэнту Расіі Уладзіміру Пуціну.
«Калі мы зробім памылку, аднавіўшы перамовы з Расіяй і не прытрымліваючыся пэўнага парадку, мы зробім Пуціну паслугу. Апошняе, што я хачу зрабіць у жыцці, — гэта зрабіць паслугу Пуціну», — адзначыла італьянская прэм'ерка.
Мелоні таксама адзначыла, што пакуль рана гаварыць пра вяртанне Расіі ў G7 з ператварэннем яе ў G8.
На сёння асноўную ролю ў перамовах па Украіне адыгрываюць ЗША, якія праводзяць асобныя кансультацыі з Масквой і Кіевам. Еўрапейскія лідары падтрымліваюць кантакты з украінскім кіраўніцтвам, але афіцыйных мірных перамоў з Расіяй не праводзяць.
Раней прэзідэнт Францыі Эмануэль Макрон таксама адзначаў неабходнасць уключэння Еўропы ў перагаворы з Расіяй, каб не застацца па-за ключавымі рашэннямі, адначасова працягваючы вайсковую падтрымку Украіны і эканамічны ціск на Маскву.
Расійская старана неаднаразова заяўляла пра нібыта гатоўнасць да перамоў, адзначаючы, што Еўропа адмовілася ад дыялогу, падтрымліваючы канцэпцыю «стратэгічнага паражэння» Расіі, але можа вярнуцца да абмеркавання, калі будзе ўлічваць «рэаліі на месцах».
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку21
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары
Вон аятоллу и то двигают,слава пророку.