«Novy etap paŭstańnia»: kronprync Irana zaklikaŭ zachoplivać dziaržaŭnyja ŭstanovy i pasolstvy
«Svaboda Irana ŭžo blizkaja… My nie samotnyja. Mižnarodnaja padtrymka chutka pryjdzie», — skazaŭ Reza Piechlevi.
Spadkajemiec iranskaha pasadu Ryza Piechlevi abviaściŭ pra pačatak «novaha etapu nacyjanalnaha paŭstańnia» z metaj źviaržeńnia režymu Isłamskaj Respubliki. Pra heta jon napisaŭ u sacyjalnaj sietcy X.
«Na praciahu apošnich dvuch tydniaŭ, a asabliva ciaham apošnich čatyroch dzion, vy pachisnuli asnovy nielehitymnaj Isłamskaj Respubliki dziakujučy masavym demanstracyjam pa ŭsioj krainie.
Ciapier… ja abviaščaju pra pačatak novaha etapu nacyjanalnaha paŭstańnia z metaj źviaržeńnia Isłamskaj Respubliki i adnaŭleńnia našaha darahoha Irana».
Apazicyjny palityk akreśliŭ kankretnyja mety dla pratestoŭcaŭ. Unutry Irana jon zaklikaŭ, aproč kantrolu centralnych vulic, ličyć «zakonnymi metami» ŭsie ŭstanovy, što adkazvajuć za prapahandu režymu ajatołaŭ i za adklučeńnie srodkaŭ suviazi.
Piechlevi taksama źviarnuŭsia da supracoŭnikaŭ siłavych struktur z zaklikam «stać na bok naroda» i spynić zabojstvy suajčyńnikaŭ. Irancaŭ, jakija žyvuć za miažoj, jon zaklikaŭ zachoplivać iranskija dypłamatyčnyja ŭstanovy.
«Usie iranskija pasolstvy i konsulstvy naležać iranskamu narodu. Nastaŭ čas upryhožyć ich nacyjanalnym ściaham Irana zamiest haniebnaha ściaha Isłamskaj Respubliki». — napisaŭ jon.
Piechlevi padkreśliŭ, što pavieličeńnie kolkaści zabojstvaŭ mirnych demanstrantaŭ z boku siłavikoŭ śviedčyć pra «strach režymu pierad nabližeńniem kanca».
«Svaboda Irana ŭžo blizkaja… My nie samotnyja. Mižnarodnaja padtrymka chutka pryjdzie. Čakajcie maich nastupnych paviedamleńniaŭ», — zaklučyŭ jon.
Kamientary
V Hiermanii, hdie tožie niet monarchii, niet i znati, potomu vsie znatnyje tituły prosto stali časťju familii: pišut: Hans Graf von Nimburg, a nie Graf Hans von Nimburg