Новы раўнд перамоваў паміж дэлегацыямі ЗША і Украіны адбудзецца сёння, 17 студзеня, у Маямі, паведаміла пасол ЗША ў Злучаных Штатах Вольга Стэфанішына.
«Украіна працягвае актыўныя кансультацыі з ЗША адносна будучай архітэктуры бяспекі і доўгатэрміновага эканамічнага развіцця нашай дзяржавы. У суботу ў Маямі, штат Фларыда, адбудуцца перамовы», — напісала яна ў Facebook.
У перамовах возьмуць удзел сакратар Рады нацыянальнай бяспекі і абароны Украіны Рустэм Умераў, кіраўнік Офіса Уладзіміра Зяленскага Кірыл Буданаў і кіраўнік парламенцкай фракцыі кіруючай партыі «Слуга народа» Давід Арахамія.
«Мы працуем над двума ключавымі дакументамі — пагадненнямі аб гарантыях бяспекі і аб эканамічным дабрабыце Украіны агульным аб’ёмам да 800 млрд даляраў, якія могуць быць падпісаныя на Сусветным эканамічным форуме ў Давосе. Мэта візіту — дапрацоўка гэтых дамоўленасцяў з амерыканскімі партнёрамі, каб яны максімальна адпавядалі нацыянальным інтарэсам Украіны», — дадала пасол.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»7
Каментары