У Крамлі заявілі, што сустрэча доўжылася каля 3,5 гадзіны. Картэж Уіткафа пакінуў Крэмль.
Памочнік прэзідэнта Расіі Юрый Ушакоў пракаментаваў сустрэчу, якая адбылася ў Крамлі, паміж Уладзімірам Пуціным, спецпасланнікам прэзідэнта ЗША Стывам Уіткафам і зяцем Трампа Джарэдам Кушнерам.
Паводле яго слоў, на сустрэчы дамовіліся, што 23 студзеня ў Абу-Дабі адбудзецца першае пасяджэнне трохбаковай рабочай групы па пытаннях бяспекі з удзелам прадстаўнікоў Расіі, ЗША і Украіны.
Ушакоў дадаў, што расійская дэлегацыя ўжо сфарміравана, атрымала ад Пуціна «канкрэтныя інструкцыі» і ў найбліжэйшы час вылеціць у Абу-Дабі.
У яе склад увайшлі прадстаўнікі кіраўніцтва Мінабароны на чале з начальнікам ГРУ Ігарам Касцюковым.
Акрамя таго, у Абу-Дабі адбудзецца сустрэча Уіткафа і кіраўніка РФПІ Кірыла Дзмітрыева як кіраўнікоў двухбаковай рабочай групы па эканамічных пытаннях.
Ушакоў назваў праведзеныя перамовы «карыснымі ва ўсіх сэнсах».
Пры гэтым ён заявіў, што «Расія будзе паслядоўна дамагацца мэт СВА, пакуль не ўдасца дасягнуць урэгулявання палітыка-дыпламатычнымі сродкамі».
Таксама, паводле слоў памочніка расійскага прэзідэнта, на сустрэчы Масква зноў канстатавала, што «без вырашэння тэрытарыяльнага пытання разлічваць на доўгатэрміновае ўрэгуляванне немагчыма». Паводле яго слоў, на сустрэчы таксама абмяркоўваліся ініцыятыва Трампа па стварэнні «Рады міру», шэраг рэгіянальных пытанняў і сітуацыя вакол Грэнландыі.
«Пры абмене меркаваннямі наконт «Рады міру» была акцэнтавана наша гатоўнасць накіраваць у бюджэт гэтай структуры 1 млрд даляраў з замарожаных яшчэ папярэдняй адміністрацыяй ЗША расійскіх актываў», — заявіў Юрый Ушакоў.
Ён дадаў, што «астатнія сродкі з замарожаных ЗША расійскіх рэзерваў можна было б накіраваць на аднаўленне тэрыторый, якія пацярпелі ў ходзе баявых дзеянняў — ужо пасля заключэння мірнай дамовы паміж Расіяй і Украінай».
Паводле слоў Ушакова, размова па гэтай тэме будзе працягнутая ў двухбаковай эканамічнай групе, якую ўзначальваюць Уіткаф і Дзмітрыеў.
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары
875 гадоу́ ілжы і прапаганды .