U Kramli zajavili, što sustreča doŭžyłasia kala 3,5 hadziny. Kartež Uitkafa pakinuŭ Kreml.
Pamočnik prezidenta Rasii Juryj Ušakoŭ prakamientavaŭ sustreču, jakaja adbyłasia ŭ Kramli, pamiž Uładzimiram Pucinym, śpiecpasłańnikam prezidenta ZŠA Styvam Uitkafam i ziaciem Trampa Džaredam Kušnieram.
Pavodle jaho słoŭ, na sustrečy damovilisia, što 23 studzienia ŭ Abu-Dabi adbudziecca pieršaje pasiadžeńnie trochbakovaj rabočaj hrupy pa pytańniach biaśpieki z udziełam pradstaŭnikoŭ Rasii, ZŠA i Ukrainy.
Ušakoŭ dadaŭ, što rasijskaja delehacyja ŭžo sfarmiravana, atrymała ad Pucina «kankretnyja instrukcyi» i ŭ najbližejšy čas vylecić u Abu-Dabi.
U jaje skład uvajšli pradstaŭniki kiraŭnictva Minabarony na čale z načalnikam HRU Iharam Kaściukovym.
Akramia taho, u Abu-Dabi adbudziecca sustreča Uitkafa i kiraŭnika RFPI Kiryła Dźmitryjeva jak kiraŭnikoŭ dvuchbakovaj rabočaj hrupy pa ekanamičnych pytańniach.
Ušakoŭ nazvaŭ praviedzienyja pieramovy «karysnymi va ŭsich sensach».
Pry hetym jon zajaviŭ, što «Rasija budzie paśladoŭna damahacca met SVA, pakul nie ŭdasca dasiahnuć urehulavańnia palityka-dypłamatyčnymi srodkami».
Taksama, pavodle słoŭ pamočnika rasijskaha prezidenta, na sustrečy Maskva znoŭ kanstatavała, što «biez vyrašeńnia terytaryjalnaha pytańnia raźličvać na doŭhaterminovaje ŭrehulavańnie niemahčyma». Pavodle jaho słoŭ, na sustrečy taksama abmiarkoŭvalisia inicyjatyva Trampa pa stvareńni «Rady miru», šerah rehijanalnych pytańniaŭ i situacyja vakoł Hrenłandyi.
«Pry abmienie mierkavańniami nakont «Rady miru» była akcentavana naša hatoŭnaść nakiravać u biudžet hetaj struktury 1 młrd dalaraŭ z zamarožanych jašče papiaredniaj administracyjaj ZŠA rasijskich aktyvaŭ», — zajaviŭ Juryj Ušakoŭ.
Jon dadaŭ, što «astatnija srodki z zamarožanych ZŠA rasijskich reziervaŭ možna było b nakiravać na adnaŭleńnie terytoryj, jakija paciarpieli ŭ chodzie bajavych dziejańniaŭ — užo paśla zaklučeńnia mirnaj damovy pamiž Rasijaj i Ukrainaj».
Pavodle słoŭ Ušakova, razmova pa hetaj temie budzie praciahnutaja ŭ dvuchbakovaj ekanamičnaj hrupie, jakuju ŭznačalvajuć Uitkaf i Dźmitryjeŭ.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada11
Kamientary
875 hadoú iłžy i prapahandy .