Інцыдэнт адбыўся ў чацвер.
У нямецкім горадзе Нойс (Паўночны Рэйн — Вестфалія) двое беларусаў ва ўзросце 34 і 21 года і адзін расіянін 26 гадоў падазраюцца ў спробе крадзяжу тавараў з крамы, паведамляе «Беларусь і свет».
Інцыдэнт адбыўся ў чацвер, 22 студзеня, у гандлёвым аб’екце на вуліцы Нідэрштрасэ. Дзеянні мужчын зафіксавала сістэма відэаназірання. Яны спрабавалі вынесці без аплаты тавары, зняўшы з іх ахоўныя біркі.
На выхадзе да падазраваных падышлі супрацоўнікі аховы крамы. Тыя паспрабавалі ўцячы, што прывяло да сутычкі. На шчасце, ніхто не пацярпеў.
Двух мужчын затрымалі адразу на месцы, а трэцяга, які паспеў уцячы, пазней па апісанні затрымалі паліцэйскія ў аўтобусе. Скрадзеныя рэчы, кошт якіх ацэньваўся тысячамі еўра, вернутыя.
Двое з трох арыштаваных ужо былі вядомыя праваахоўнікам па аналагічных правапарушэннях.
Цяпер чытаюць
Скандал у Барысаўскай бальніцы: на пацыента звярнулі ўвагу праз шэсць гадзін, калі ўжо пена пайшла з рота — мужчына памёр7
Скандал у Барысаўскай бальніцы: на пацыента звярнулі ўвагу праз шэсць гадзін, калі ўжо пена пайшла з рота — мужчына памёр
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары