Усяго патроху11

Ці патрэбна вашаму сабаку цёплае адзенне ў маразы?

З прыходам халадоў многія ўладальнікі стараюцца ўцяпліць сваіх гадаванцаў перад выгулам. Але ці сапраўды сабакам патрэбна дадатковае адзенне? Выданне The Washington Post звярнулася па адказ да спецыяліста.

Фота: Vecteezy

Сваімі парадамі па доглядзе гадаванцаў у зімовы перыяд падзялілася спецыяліст па ўнутраных хваробах сабак і катоў з Універсітэта Мінесоты (ЗША) Ліндсі Меркель.

Каму холад не страшны, а каму патрэбна абарона?

Паводле слоў эксперта, актыўныя сабакі сярэдніх і буйных памераў з густой поўсцю звычайна не маюць патрэбы ў дадатковым адзенні, калі яны не знаходзяцца на марозе даўжэй за паўгадзіны. Аднак сітуацыя змяняецца, калі гаворка ідзе пра маленькіх сабак або прадстаўнікоў парод з кароткай поўсцю. Напрыклад, уіпеты (невялікія англійскія барзыя) могуць пачаць дрыжаць ад холаду ўжо пры тэмпературы +15°C. Калі ж слупок тэрмометра апускаецца ніжэй за нуль, абарона можа спатрэбіцца любой невялікай або маларухомай жывёле.

Галоўныя прыкметы таго, што ваш сабака змерз — гэта дрыжыкі, пастукванне зубамі, спробы скруціцца ў клубок або жаданне схавацца пад коўдру. Як адзначае спецыяліст, калі жывёла дрыжыць некалькі гадзін запар, яна страчвае здольнасць сагравацца самастойна з-за стомы, што можа прывесці да гіпатэрміі.

Як лепш за ўсё сагрэць сабаку?

Многія ўладальнікі памылкова лічаць, што ваўняны світар — найлепшае выйсце. Насамрэч сабакі страчваюць цяпло ў асноўным праз падушкі лап і аголеную частку жывата. Закрытая спіна мала дапамагае ў сапраўдны мароз. Больш за тое, у вільготнае надвор'е звычайнае адзенне з тканіны можа нават нашкодзіць: яно ўбірае вільгаць і не дазваляе сабаку эфектыўна атрасацца, што толькі паскарае ахаладжэнне арганізма.

«Калі ваша мэта — сагрэць сабаку, выбірайце воданепранікальную куртку, якая закрывае жывот», — раіць Ліндсі Меркель.

Фота: Vecteezy

Лапы — галоўны прыярытэт

Калі вы сур'ёзна занепакоены камфортам гадаванца, Меркель рэкамендуе набыць спецыяльныя воданепранікальныя боцікі.

Для тых сабак, якія катэгарычна адмаўляюцца насіць абутак, спецыяліст прапануе скарыстацца вопытам пагоншчыкаў сабачых запрэжак — націраць лапы спецыяльным воскам ці бальзамам. Гэта стварае воданепранікальны бар'ер, які прадухіляе абмаражэнне, не дае лапам прыліпаць да лёду.

Воск і боты таксама не дапускаюць пападання на лапы солі і пяску, якімі пасыпаюць вуліцы. Соль можа выклікаць сухасць, расколіны і раздражненне падушачак.

Калі пад рукой няма спецыяльнага воску, можа дапамагчы нават звычайны вазелін.

Што рабіць, калі хочацца адзець гадаванца?

Калі на вуліцы суха, а вы проста хочаце пацешыць сябе і людзей, няма нічога дрэннага ў тым, каб апрануць сабаку ў модную куртку ці нават шапку. Сёння існуюць мадэлі на любы густ: ад функцыянальных камізэлек з кішэнямі для павадкоў і мячыкаў да камуфляжных бронекамізэлек для службовых сабак.

Фота: Vecteezy

Галоўнае — памятаць, што камфорт жывёлы важнейшы за прыгажосць. Калі сабака адчувае сябе няўтульна ў адзенні, лепш абмежавацца масажам лап з выкарыстаннем ахоўнага воску перад выхадам на вуліцу.

Каментары1

  • Сабака
    29.01.2026
    Ён забыўся на хворых і старых сабак. У выпадку артрыту ці спандылёзу ветэрынары раяць насіць цёплую ці воданепранікальную папону. Незалежна ад віда поўсці.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць