Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Загінулі ён сам, яго пасажырка і кіроўца спадарожнага мапеда.
Следчы камітэт скончыў расследаванне рэзананснай аварыі на вуліцы Маскоўскай у Брэсце. Вінаватым у смерці прызналі 40‑гадовага матацыкліста Андрэя Чыкуна. Але паколькі ён сам загінуў, то справу спынілі ў сувязі з яго смерцю.
Чытайце: Хто быў той байкер, які справакаваў смяротную гонку па вуліцах Брэста, у якой загінулі трое — у тым ліку і ён сам
Нагадаем, аварыя адбылася позна ўвечары 31 ліпеня.
40‑гадовы матацыкліст Андрэй Чыкун ехаў з 31‑гадовай пасажыркай Марынай за спінай па вуліцы Маскоўскай у Брэсце. Ён ганяўся з аўтамабілем Audi і яшчэ адным матацыклам — іх кіроўцаў у выніку пакаралі ў адміністрацыйным парадку.
А вось Чыкун урэшце ўрэзаўся ў спадарожны мапед Viper. Загінулі ўсе трое — і сам Чыкун, і яго пасажырка, і 45‑гадовы кіроўца мапеда Вадзім Літвінчук.
На гэтым участку дарогі дазволена ехаць не хутчэй за 70 км/г. Следчыя знялі з матацыкла экшн-камеру. Паводле яе запісу, за 800 метраў да месца сутыкнення матацыкл ехаў з хуткасцю 186 км/г.
Следчыя вывучылі і сацсеткі Чыкуна. Там знайшлі відэа, дзе ён разганяецца на дарогах агульнага карыстання да 230 км/г.
Каментары