У Цэнтральнаафрыканскай Рэспубліцы, якая стала галоўнай афрыканскай базай «Вагнера», у школьную праграму ўключылі рускую мову
Рашэнне было прынятае на пасяджэнні міжурадавай камісіі Расіі і Цэнтральнаафрыканскай рэспублікі (ЦАР), а міністр адукацыі краіны Арэльен-Сімпліс Кангбеле-Зінгас падпісаў адпаведную пастанову, паведамляе ТАСС.
Заняткі рускай мовы ў школах ЦАР выкладчыкі «Рускага дома» ў Бангі праводзяць з 2024 года. У мінулым навучальным годзе яе вывучалі каля 1,1 тысячы школьнікаў у сталіцы краіны. Яшчэ каля 2 тысяч дзяцей і дарослых штогод наведваюць бясплатныя курсы пры «Русскім доме».
У 2024—2025 навучальным годзе руская мова з ініцыятывы кіраўніцтва з'явілася ў праграмах дзвюх прыватных школ. Пазней яшчэ шэсць школ Бангі звярнуліся да «Русского дома» з просьбай арганізаваць заняткі.
Цэнтральнаафрыканская Рэспубліка з 2013 года знаходзіцца ў стане грамадзянскай вайны.
У 2018 годзе Расія накіравала туды вайсковых інструктараў, аднак, паводле дадзеных The Washington Post, на самой справе гэта былі байцы ПВК «Вагнер».
Менавіта ў ЦАР «Вагнер» у 2018 годзе стварыў сваю найбуйнейшую афрыканскую базу, піша Moscow Times.
Расійская ПВК ахоўвала прэзідэнта Фастэна-Арканжа Туадэру, дапамагала адбіць наступ паўстанцаў на Бангі ў 2020—2021 гадах і ваявала разам з войскам краіны супраць узброеных груповак.
Звязаныя з «Вагнерам» паліттэхнолагі і кампаніі таксама займаліся ў ЦАР прапагандай, у тым ліку праз мультфільмы і «Рускі дом» у Бангі. Узамен групоўка атрымала доступ да прыродных рэсурсаў краіны, уключаючы радовішчы золата і алмазаў, а таксама лясныя рэсурсы.
Цяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец137
Каментары