Яму выстаўлена абвінавачанне ў наўмысным забойстве ў сувязі са смерцю ягонай жонкі Лінды Стывенсан, даведаўся NBC News.
Былога мужа экс-першай лэдзі ЗША Джыл Байдэн Уільяма Стывенсана арыштавалі і абвінавацілі ў забойстве сваёй цяперашняй жонкі, паведамілі тэлеканалу NBC News афіцыйныя асобы.
Яму выстаўлена абвінавачванне ў наўмысным забойстве першай ступені ў сувязі са смерцю яго жонкі Лінды Стывенсан. Пра гэта гаворыцца ў абвінаваўчым заключэнні, пададзеным у штаце Дэлавэр. Па дадзеных паліцыі, заключэнне стала вынікам «маштабнага расследавання, якое працягвалася некалькі тыдняў».
Стывенсан зараз знаходзіцца пад вартай ва ўстанове выпраўлення Howard Young.
Паліцыя акругі Нью-Касл не раскрыла падрабязнасцей смерці, удакладніў NBC News. Аднак, як піша тэлеканал, 28 снежня афіцэры выехалі на выклік з-за сямейнага канфлікту ў доме ў раёне Уілмінгтана. Лінду Стывенсан знайшлі без прытомнасці ў гасцінай. Яе спрабавалі выратаваць, аднак беспаспяхова.
Цела перадалі ў Дэлавэрскае ўпраўленне судова-медыцынскай экспертызы для правядзення ўскрыцця. Прычына смерці ў паведамленні аб арышце Уільяма Стывенсана не названа.
Джыл выйшла замуж за Уільяма Стывенсана ў лютым 1970 года, калі ёй было 18 гадоў. На той момант яна вучылася ва Універсітэце Дэлавэра, а Стывенсану было 23 гады.
Неўзабаве Стывенсан адкрыў клуб The Stone Balloon побач з кампусам Універсітэта Дэлавэра ў Ньюарку. Там выступалі, у прыватнасці, амерыканскі рок-выканаўца Брус Спрынгсцін, музыкант Дэйв Мэцьюз і амерыканская рок-група The Allman Brothers Band.
Шлюб Джыл і Стывенсана працягнуўся пяць гадоў. У сакавіку 1975 года яна пазнаёмілася з сенатарам ад Дэлавэра Джо Байдэнам. У маі 1975‑га суд аформіў грамадзянскае развядзенне Джыл і Уільяма Стывенсана. Яна выйшла замуж за Байдэна 17 чэрвеня 1977 года.
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая30
Каментары