Былога кіраўніка БРСМ з Іўя кінулі ў СІЗА па палітычным артыкуле і залічылі ў тэрарысты
Сяргей Пахомаў працаваў у школе, уваходзіў у рэзерв кадраў райвыканкама і ўзначальваў раённы БРСМ. Аднак цяпер мужчына знаходзіцца за кратамі.
Сяргей Пахомаў нарадзіўся ў 1988 годзе ў Казахстане, але вырас у Беларусі. У 2013 годзе ён скончыў Гродзенскі ўніверсітэт імя Янкі Купалы і пайшоў працаваць настаўнікам гісторыі ў школу ў Жамыслаўлі — там, дзе стаіць знакаміты палац.
Малады спецыяліст неўзабаве стаў першым сакратаром Іўеўскага раённага камітэта БРСМ і нават трапіў у рэзерв кіруючых кадраў мясцовага выканкама. У інтэрв'ю дзяржаўнай прэсе ён хваліў беларускую стабільнасць і ладзіў патрыятычныя акцыі.
Аднак пазней жыццё Сяргея змянілася. Пасля 2017‑га ён пайшоў з адукацыі. У лютым 2025 года Пахомаў зарэгістраваўся як індывідуальны прадпрымальнік, асноўным відам дзейнасці пазначыў дахавыя работы.
Нядаўна стала вядома, што 37‑гадовы мужчына знаходзіцца ў СІЗА. Яму выстаўлена абвінавачанне паводле артыкула 130 Крымінальнага кодэкса («Распальванне расавай, нацыянальнай, рэлігійнай альбо іншай сацыяльнай варожасці»). Хоць прысуд яшчэ не вынесены, КДБ ужо ўключыў яго у спіс «тэрарыстаў».
Што менавіта стала прычынай крымінальнага пераследу, пакуль невядома. Імаверна, гэта каментары ў тэлеграме з неабароненага акаўнта.
«Наша Нiва» — бастыён беларушчыны
ПАДТРЫМАЦЬНаталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары
мало идеологического запАла оказалось
Вы працягваеце ўжываць гэтае слова. Аднак наўрад ці яно азначае тое, што вы думаеце, што яно азначае.
[Зрэдагавана]